Hansi Flick flet për largimin e Vitor Roques nga Barcelona

Trajneri i Barcelonës, Hansi Flick, u rikthye para shtypit më pak se 48 orë pasi skuadra e tij mposhti Athletic Bilbaon të shtunën në ndeshjen e tyre të parë në shtëpi të sezonit në Montjuic.  

Blaugranët tani përballen me një udhëtim të ndërlikuar në Rayo Vallecano në Vallecas, por do ta bëjnë këtë pa Vitor Roque. 

Sot dhe dje Barcelona ka konfirmuar largimet e Mikayil Faye, Clement Lenglet dhe Vitor Roque, por këto largime nuk do të ndihmojnë klubin për të regjistruar Dani Olmon përpara ndeshjes me Rayo Vallecanon. 

Roque ka shkuar te Real Betis si huazim me opsion për të zgjatur huazimin, ndërsa ka rënë në sy të shumë njerëzve që Flick dhe paraardhësi Xavi Hernandez nuk e kishin në planet e tyre Roque. 

“Nuk mund të themi se nuk po llogaris te Vitor, kjo është krejtësisht e gabuar. Ajo për të cilën mund të flas është ajo që më tha. Ai erdhi nga Brazili, në një situatë jo të lehtë për të. Ndonjëherë këto situata për lojtarin, ndonjëherë janë të mira”.  

“Është një shans i mirë për të që të luajë. Ai mund të përmirësohet, unë mund të shoh shumë gjëra, ai po bën shumë mirë, dhe ai është një djalë i mirë, dhe ne shpresojmë se ai mund të luajë dhe të përmirësojë performancën e tij”, deklaroi Flick. /Telegrafi/