“Ai po qëndron”, Pique ribashkohet me Neymarin për të rikrijuar foton virale të 2017-ës

Gerard Pique më në fund ka siguruar të ardhmen e Neymar Junior shtatë vjet pasi braziliani bëri që fjalët e tij të hynin në histori.

Ish-mbrojtësi i Barcelonës dukej se adresoi thashethemet që lidhnin Neymar Jr me Paris Saint-Germain duke publikuar një postim në Tëitter duke thënë ‘se queda’ apo në shqip ‘ai po qëndron’, por në javët në vijim braziliani do të thyente rekordin e transferimeve me një shitje prej 222 milionë euro te gjiganti francez.

Pique ndoshta nuk ka paguar aq shumë për shërbimet e tij këtë herë, por ai do të jetë pjesë e projektit të tij të ri të Kings League, pasi Pique njoftoi se do të kishte një Kupë Botërore të Kings League.

“Këtë herë realisht, ai po qëndron”, dëgjohet duke thënë Pique në videon e re të postuar në rrjetet sociale.

Neymar se queda.pic.twitter.com/YU9y0LxOr5

— Football España (@footballespana_) March 8, 2024

Sipas Cadena SER, ngjarja do të zhvillohet në Meksikë në verën e vitit 2024 midis 25 majit dhe 9 qershorit, i përbërë nga 32 ekipe: 10 nga Kings League Americas, 10 nga Spanja dhe 12 skuadra ‘të ftuara’.

Roli i saktë i Neymar është i paqartë pasi transmetuesit Allan dhe Gaules do të marrin drejtimin e dy skuadrave braziliane, por ai do të mbështesë bashkatdhetarët e tij, si dhe do të sjellë fuqinë e tij të yjeve në këtë ngjarje.

Aktualisht Neymar është duke u rikuperuar nga një dëmtim i ligamentit të kryqëzuar anterior të pësuar në shtator, dhe ende nuk është e qartë nëse ai do të kthehet në veprim për Al-Hilal deri në atë moment. /Telegrafi/