Xhaferi dhe Osmani në stacionin mobil për pasaporta në Bruksel: Jemi duke punuar për shërbime më të shpejta dhe efikase për qytetarët
Ministri i Punëve të Jashtme, Bujar Osmani, i shoqëruar nga kryeministri Talat Xhaferi dhe zëvendëskryeministri për Integrime Europiane, Bojan Mariçiq, gjatë qëndrimit në Bruksel, sot kanë vizituar Ambasadën e Republikës së Maqedonisë së Veriut, ku përveç për shërbimet e tjera konsullore për qytetarët, stacioni mobil bën fotografi dhe merr të dhëna biometrike për lëshimin e dokumenteve të udhëtimit.
“Ambasada në Bruksel dhe të gjitha përfaqësitë e tjera diplomatiko-konsullore të Maqedonisë së Veriut kanë riorganizuar plotësisht punën e tyre në sferën e çështjeve konsullore me qëllim të përmbushjes së interesave dhe nevojave të qytetarëve tanë që jetojnë dhe punojnë jashtë vendit. Çdo kërkesë e qytetarit tonë do të thotë detyrim për të gjithë ne, veçanërisht për diplomatët në ambasada, me qëllimin për të dhënë një përgjigje të shpejtë, efikase dhe cilësore. Kjo është një periudhë kur ne të gjithë jemi ekstra të përkushtuar për të përballuar këtë sfidë të imponuar nga rritja e madhe e kërkesave për shërbime konsullore, veçanërisht në fushën e dokumenteve të udhëtimit”, theksoi Osmani, duke u njohur nga afër me situatën aktuale në Ambasadë lidhur me këtë çështje.
Xhaferi, Mariçiq dhe Osmani biseduan me qytetarët e RMV-s; që ndodheshin në hapësirat e Ambasadës dhe i siguruan se po bëhen të gjitha përpjekjet që të mos përballen me asnjë problem në vendin ku jetojnë, për shkak të detyrimit për rinovimin e dokumenteve personale që rrjedhin nga Marrëveshja e Prespës.
“Lëshimi i dokumenteve të udhëtimit pa pagesë për të gjithë shtetasit që jetojnë jashtë vendit dhe duhet të kthehen në vend për marrjen e dokumenteve të reja të udhëtimit, si dhe dorëzimi i dokumentit të udhëtimit me postë të shpejtë ku nuk ka përfaqësi diplomatiko-konsullore janë vetëm pjesë e zgjedhjeve. Më tej vjen organizimi i ditëve konsullore dhe llojeve të tjera të lehtësimit për qytetarët jashtë vendit, për të cilat janë udhëzuar zyrat tona përfaqësuese dhe së shpejti do të vijojë shpallja e planit”, theksoi ministri.
Ministri Osmani informoi qytetarët se kohëzgjatja e përgatitjes së pasaportave, e cila është shumë më e gjatë se afatet e zakonshme që ekzistonin deri vonë, është arsyeja kryesore që periudha për dorëzimin e pasaportave të përgatitura në zyrat tona përfaqësuese është dukshëm më e gjatë se praktika e deritanishme, e cila kishte një mesatare prej 30 ditësh.
Ministria e Punëve të Jashtme ka një numër të kufizuar stacionesh bazë dhe mobile. Një nga stacionet mobile është pikërisht tek Ambasada në Bruksel, e cila në koordinim dhe bashkëpunim me ambasadat në Hagë dhe Paris, kryen shërbime fotografimi dhe mbledhjeje të të dhënave biometrike për qytetarët në Holandë dhe në Francë.
Përndryshe, gjatë vitit 2023, Ambasada në Bruksel ka proceduar gjithsej 2488 lëndë, prej të cilave 1127 të lëshuara dokumente udhëtimi dhe 523 fletudhëtime; në Paris janë proceduar 1083 lëndë, duke përfshirë 390 dokumente udhëtimi dhe 242 dokumente udhëtimi; ndërsa në Hagë gjithsej 1076, me 340 dokumente udhëtimi dhe 72 fletudhëtime.
Në Ambasadën e RMV-s; në Bruksel është mbajtur një takim edhe me bartësin e MKartës në Belgjikë, me qëllim për t’ia dhuruar atë. Ministri Osmani shprehu mirënjohjen e tij për interesimin e treguar për projektin MKarta, si rrjetëzim i rëndësishëm i përfaqësuesve tanë më të mirë nga diaspora në botë dhe shembull i shkëlqyer i lidhjes së këtyre personave me vendin tonë.
Promo
Reklamo këtuLufta Prigozhin - Putin
Më shumëNdjehen lëkundje toke në Kosovë
Hoxhaj i reagon ashpër ministrit të jashtëm ukrainas që u takua me Gjuriqin në Serbi
Nis takimi mes kryeministrit Albin Kurti dhe kryetarit të PDK-së, Memli Krasniqi
U vra me plumb në kokë rrugës për në punë, polici në Fier ishte i fejuar, iu prenë ëndrrat në mes
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
MPJD refuzon kërkesën e patriarkut serb Porfirije për të vizituar Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Pamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Wayne Rooney zbulon skandalin e lojtarëve të Man United - nëse vërtetohet do ketë pasoja
Ish-ylli i Liverpoolit zbulon trajnerin e ardhshëm të Man United – thotë se ia tregoi një lojtar aktual i tyre
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron