Qeveria e Maqedonisë së Veriut ende nuk e ka miratuar propozimin e Komisionit për sëmundje infektive për shpalljen e epidemisë në Shkup, për shkak të rritjes së numrit së rasteve me kollën e keqe.
Të premten, në qytetin e Kumanovës janë regjistruar tri raste të reja dhe një tjetër në Shkup, duke e çuar numrin e të infektuarve në 22, shumë prej tyre janë fëmijë dhe të gjithë të pavaksinuar me DTP – vaksinë kundër difterisë, tetanusit dhe kollës së keqe (pertusis).
Komisioni për sëmundje infektive, që propozoi shpalljen e epidemisë në Shkup, ka rekomanduar që kopshtet dhe shkollat të mos pranojnë fëmijë të pavaksinuar me dozat e nevojshme, si masë për parandalimin e përhapjes së infektimit.
Nga Komisioni thonë për “Radion Evropa e Lirë” se “Qeveria duhet sa më parë të miratojë propozimet që çojnë në drejtim normalizimit të gjendjes, e që përfshijnë para së gjithash masa në kopshtet pasi numri më i madh i të infektuarve janë fëmijë”.
Pavarësisht se vendimi ende nuk ka kaluar në Qeverinë teknike, ministri i Punës dhe Politikës Sociale, Gjoko Vellkovski, ka deklaruar se shërbimet inspektuese tashmë kanë nisur kontrollet në kopshte për të përcaktuar numrin e fëmijëve të pavaksinuar, por edhe për t’i udhëzuar drejtuesit e tyre që të mos i pranojnë këta fëmijë.
“Çdo fëmijë që nuk ka marrë një vaksinë të caktuar, nuk do të mund të jetë pjesë e sistemit të mbrojtjes së fëmijëve. Ne do t’i kontrollojmë kopshtet dhe shërbimet tona inspektuese do të shohin se ku duhet të ndërhyjmë për të parandaluar përhapjen e kësaj epidemie, së paku në Shkup, si pika më e nxehtë në këtë moment”, ka deklaruar Vellkovski, duke paralajmëruar miratimin e rekomandimeve të Komisionit, në mbledhjen e radhës të Qeverisë teknike.
Mjeku infektolog Dragan Danillovski thotë se popullata duhet të jetë e vetëdijshme për domosdonë e vaksinimit të fëmijëve, duke marrë parasysh rrezikun për shëndetin e tyre, pasi sipas tij, ata janë më të goditur nga sëmundjet e frymëmarrjes, në këtë rast nga kolla e keqe.
“Me çfarë mendje, me çfarë zemre, disa prindër vendosin të rrezikojnë fëmijën e tyre që të vuajë për tre muaj nga kolla e keqe, kur vaksinat janë plotësisht të sigurta?! Për mua nuk është humane që, një prind të refuzojë ta vaksinojë fëmijën, ndërsa ta shohë atë duke vuajtur me muaj të tërë. Fëmijët e infektuar kanë kollitje aq të tmerrshme që sa nuk mund të marrin frymë. Rrezikojnë të humbasin jetën nga ngufatja që mund të shkaktojë kollitja”, shpjegon Danillovski.
Ai thotë se refuzimi për t’i vaksinuar fëmijët është, para së gjithash, pasojë e teorive të ndryshme konspirative.
“Kemi rezistencë pasi teoritë e konspiracionit hasen shumë lehtë në rrjetet sociale dhe portale. Përgjegjësi për këtë përveçse sistemit arsimor dhe familjes, mbajnë edhe mjekët e shëndetësisë primare, pasi nëse shkolla e familja bien nga provimi, apo ndikohen nga teoritë e tillë, kjo nuk guxon të ndodhë me mjekët të cilët kanë përgjegjësi të edukojnë pacientët e tyre. Mjekët familjarë janë shndërruar në plotësues të dëshirave, duke u dhënë pacientëve atë që ata duan dhe jo atë që mjekësia parashikon”, vlerëson infektologu Danillovski.
Që të arrihet imunizimi kolektiv duhet të jetë e vaksinuar mbi 95 për qind e popullsisë me të gjitha llojet e vaksinave, ku bëjnë pjesë ato kundër verdhëzës ose hepatitit B, vaksina kundër gripit, vaksina me tre doza kundër difterisë, tetanusit dhe kollës së keqe (DTP ) vaksina MMR kundër fruthit, si dhe ajo kundër virusit papilloma humane (HPV).
Sipas të dhënave të Institutit të Shëndetit Publik në nivel të shtetit është vaksinuar rreth 83 për qind e popullatës, me tendencë të uljes së mëtejmë, gjë që edhe ka alarmuar institucionet shëndetësore mbi mundësinë e paraqitjes së sëmundjeve tjera infektive./REL/
Promo
Reklamo këtuLufta Prigozhin - Putin
Më shumëNga Rubrika
Mexhiti: VLEN është fitues absolut në kampin shqiptar, BDI doli në konceptin multietnik
Enver Sekiraqa tash e katër ditë i paarritshëm – detaje si erdhi deri tek vendimi për kthim në paraburgim
Aksioni i PK-së në veri, kërcënon Daçiq: Kjo çon në konflikte të reja në Ballkan, me pasoja të pallogaritshme
Policia dhe ATK me aksion në veri, mbyllin gjashtë njësi të ashtuquajturës "Banka Postare Kursimore"
Rikthehet industria ushtarake, Shqipëria do të prodhojë armë
Policia në kërkim të një burri dhe një gruaje nga Prizreni - dyshohen për veprën penale “Shpërdorim i pasurisë së huaj ”
Uji depërtoi në shtëpitë e tyre - banorët e lagjes "Prishtina e Re" tregojnë për pasojat pas reshjeve të shiut
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
Zyrtarja tjetër e DASH-it në Kosovë, Hovenier: Në fokus çështjet kritike për marrëdhëniet tona
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit