Kur ishte i ri në vitin 2019, ai shitej për 75 mijë dollarë dhe tani mund të gjendet për 30 mijë dollarë.
Audi e-tron 2019 përfaqësoi depërtimin e rëndësishëm të markës premium gjerman në segmentin e automjeteve elektrike. Ndryshe nga SUV-i elektrik më i shquar në atë kohë, Modeli X i Tesla-s, e-tron mbartte një atmosferë normaliteti dhe sofistikimi gjerman.
Pavarësisht se ishte një EV solid dhe luksoz, ai nuk ishte aspak i përsosur, dhe ndërkohë pësoi një zhvlerësim të madh çmimi. Tani kjo humbje në vlerë mund të jetë fitim i dikujt pasi Audi e-tron i përdorur është bërë EV mjaft i volitshëm.
Si i ri, Audi e-tron Premium Plus 2019 (Audi më vonë prezantoi një model të nivelit fillestar) filloi në Amerikë me një çmim prej 75,795 dollarë. Varianti kryesor Prestige hyri në treg me një çmim fillestar edhe më të lartë prej 82,795 dollarë.
Në atë kohë, e-tron kishte çmim të barabartë me konkurrentët e tjerë në treg, si Jaguar I-Pace dhe Tesla Model X. Ishte një automjet i nivelit të lartë me një çmim të lartë.
Sot, Audi luksoz nuk është më një automjet vetëm për nivelin më të lartë të blerësve. Në fakt, blerësit në pronësi të mëparshme tani mund të marrin shembuj të përdorur për të njëjtin çmim si një veturë elektrike e nivelit fillestar të pajisur mirë, Chevrolet Bolt.
TrueCar ka një numër befasues të Audi e-tron të përdorura që shiten nga 30-35 mijë dollarë në të gjithë SHBA. Disa njësi të përdorura për shitje kanë humbur mbi 60 për qind në vlerë dhe janë ende nën garancinë e tyre bazë, raporton InsideEVs.
Por, a duhet të blini një e-tron të përdorur vetëm sepse është i përballueshëm?
Edhe pse Audi e-tron 2019 nuk ishte EV më konkurrues në lançim, nuk ka dyshim se është një crossover mbresëlënës kur bëhet fjalë për komoditetin dhe cilësinë e ndërtimit.
Megjithatë, kur bëhet fjalë për diapazonin me bateri të plotë, nuk mund të mburret, duke pasur parasysh se sipas standardit disi më konservator amerikan EPA, është pak më pak se 330 km.
Është i pajisur me një bateri 95 kilovat-orëshe (nga të cilat vetëm 86 janë të përdorshme). Një nga arsyet pse diapazoni i e-tron është kaq i kufizuar qëndron në masën e tij; peshon 2600 kg kolosale.
Sidoqoftë, jo gjithçka është aq negative. Sipas InsideEVs, ky crossover elektrik ka shumë karakteristika pozitive. Për shembull, mund të tërheqë deri në 1800 kg.
Sistemi i tij i drejtimit ka 402 kuaj/fuqi, me modalitetin Boost të aktivizuar, që mjafton për të përshpejtuar në 100 km/h për rreth 5 sekonda.
Në vozitje normale, motorët elektrikë prodhojnë 335 kuaj fuqi, që është akoma më se e mjaftueshme për këtë makinë.
Karakteristika më e rëndësishme e e-tron është karikimi i tij. Me një fuqi maksimale karikimi prej 150 kW, e-tron mund të arrijë kapacitetin 80 për qind nga zero në vetëm tridhjetë minuta. /Telegrafi/
Promo
Reklamo këtuLufta Prigozhin - Putin
Më shumëBentley zbulon imazhe nga modeli i ri me 771 kuaj fuqi
Makinat e përdorura më të njohura në Amerikë për vitin 2022
“Një pjesë e dëmtuar në pistë i shpoi gomën”: Dy inxhinierë gomash humbën jetën në një aksident automobilistik në pistën e Nürburgring
Shkaku i sigurisë, Tesla do ta ri dizajnojë në tërësi modelin Cybetruck
Ferrari 330 GTC është rikthyer në perfeksion
Hennessey prezanton pick-up Mammoth me 1.000 kuaj-fuqi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore