Hungaria kërcënon me ndalimin e zgjerimit të NATO-s për shkak të një videoje 10-minutëshe të Suedisë, të cilën po e konsiderojë si fyese për hungarezët.
Videoja “përfundimisht nuk ndihmon për të përmbushur kërkesën tuaj të vazhdueshme”, tha ministri i Jashtëm hungarez, Peter Szijjarto në një letër drejtuar homologut suedez, duke iu referuar kërkesës së Suedisë që Hungaria të ratifikojë ofertën e saj në NATO.
Szijjarto tha se video përmbante “informacion të rremë se demokracia ka rënë në vitet e fundit në Hungari “. “Videoja ofenduese” është prodhuar nga UR, transmetuesi arsimor publik i Suedisë.
Komisioni Evropian i ka vendosur disa sanksione shtetit hungarez dhe nuk i ndau ndihmën e premtuar miliarda euroshe shkaku i disa politikave të gabuara të kryeministrit Viktor Orban. Parlamenti Evropian njoftoi se Hungaria “nuk është më një demokraci e plotë”. Kjo u shfaq edhe në video.
“Një video tronditëse edukative e miratuar nga qeveria suedeze dhe duke sulmuar Hungarinë! Si mund t’i bindim deputetët hungarezë të mbështesin anëtarësimin e Suedisë në NATO kur demokracia jonë vihet vazhdimisht në pikëpyetje, duke fyer votuesit tanë?”, pyeti në rrjetet sociale këshilltari politik i kryeministrit Orban, Balazs Orban.
Gergely Gulyas, ligjvënës i lartë nga partia në pushtet, shtoi se nëse filmi shfaqet në shkollat publike, kjo do të thotë se Suedia po bën gjithçka për të parandaluar Hungarinë që të ratifikojë pranimin e saj në NATO.
Kjo vjen pasi Hungaria tha se ishte gati të vazhdonte me ratifikimin në samitin e NATO-s në muajin korrik.
Agnes Vadaichigledan, deputete nga Koalicioni Demokratik i opozitës, beson se kjo kthesë në qëndrimin ndaj Suedisë e bën atë të duket marrëzi në arenën ndërkombëtare.
“Kjo nuk është e turpshme, por poshtëruese për Hungarinë, ajo që po bën Szijjarto”, tha ajo për EUobserver.
Suedia po kërkon t’i bashkohet NATO-s për të mbrojtur veten nga agresioni i mundshëm rus pas pushtimit të Ukrainës. Turqia është i vetmi aleat tjetër i NATO-s që nuk e ka ratifikuar ende pranimin e Suedisë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Një epokë e re diplomacie – çfarë do të thotë për botën njohja e Palestinës nga Irlanda, Spanja dhe Norvegjia
Stacioni më i thellë i metrosë në botë gjendet në Azi – do t’ju bllokohen veshët gjatë ecjes
Municionet perëndimore ngadalësuan përparimin e rusëve drejt Kharkivit
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251