Municionet perëndimore ngadalësuan përparimin e rusëve drejt Kharkivit

Përparimi i shpejtë i rusëve në veri të rajonit të Kharkivit u ngadalësua në saje të artilerisë dhe municioneve perëndimore.

Ushtarët e Brigadës së 92-të të Pavarur Sulmuese të Ukrainës, të cituar nga gazeta “Independent”, thonë se kanë qëlluar vazhdimisht ditë e natë.

“Ka shkuar 24/7. Këmbësoria e tyre vazhdon të përparojë, ne vazhdojmë t’i zmbrapsim sulmet e tyre. Të paktën ne mundohemi. Sa herë të jetë e mundur, do t’i rrëzojmë”, tha një prej komandantëve, sipas Independent.

Vitaly përshkroi veprimtarinë e njësisë së artilerisë “ne i ndjekim gjatë gjithë kohës teksa përshkojnë rrugëtimin e tyre pesë kilometërshe larg Shebekinit”.

Shebekino është një qytet në rajonin rus të Belgorodit pranë kufirit me Ukrainën, rreth 12 kilometra nga qyteti ukrainas Vovchansk.

Ukraine weekly update:

🇷🇺 commenced offensive operations north of the city of Kharkiv this past week. After rapid advances in the first couple of days, they successfully captured several settlements and entered the north of Vovchansk. pic.twitter.com/VkwknIHKG2

— War Mapper (@War_Mapper) May 18, 2024

“Ne i shohim ata duke lëvizur drejt pozicioneve të tyre. Ndërsa ata janë duke lëvizur, sigurisht që ne mundohemi t’i godasim, t’u shkaktojmë humbje maksimale”, shtoi Vitalij.

Ai është i bindur se njësiti që drejton nuk do t’i mungojnë municionet, “me do të vazhdojmë të marrim municion sepse jemi përballë një grupi të madh dhe të rrezikshëm armik”.

Sipas tij, tani duhet të tregohet se njerëzit janë në gjendje të ndalojnë një sulm të madh armik në Kharkiv dhe rajonin e Kharkiv në një situatë kaq ekstreme.

“Pas kësaj, armiku nuk do të mendojë që ta sulmojë Kievin, Chernihiv ose Sumy”, shton ai, ndërsa oficerët shqyrtojnë pamjet e dronit që tregojnë tymin që ngrihet mbi Vovchansk dhe bëjnë llogaritjet për shënjestrimin e obusit. Të dy sigurohen që obusi vetëlëvizës amerikan M109 të kamuflohet mirë nga degët e pemëve.

Në mes të majit, presidenti ukrainas Volodymyr Zelensky dekoroi disa ushtarë nga kjo njësi për sukseset e tyre luftarake të deritanishme. Në një intervistë me reuters të hënën, ai tha se situata në veri të Kharkiv ishte përmirësuar. /Telegrafi/