Gzim Shala, hulumtues i lartë në IKD, ka shpjeguar se në rastet kur bazuar në kushtet e përcaktuara me Kodin e Procedurës Penale gjykata lëshon urdhër për kontroll të shtëpisë apo personit, nuk është fare relevant fakti nëse provat e sekuestruara përmes të cilave synohet provimi i veprës penale janë ose jo të klasifikuara.
Klasifikimi i dokumenteve ka qëllime të tjera, të cilat nuk mund të kufizojnë zhvillimin e procedurës penale.
Provat e sekuestruara me rastin e kontrollit apo bastisjes nga ana e Policisë, sipas Gzim Shalës nga Instituti i Kosovës për Drejtësi, mund të konsiderohen të papranueshme vetëm nëse janë marrë në kundërshtim me ligjin dhe në kundërshtim me urdhrin e gjykatës.
Në anën tjetër, neni 111 i Kodit të Procedurës Penale ka listuar sendet që nuk mund të sekuestrohen përkohësisht. Në këtë listë, normalisht, nuk bëjnë pjesë dokumentet e klasifikuara.
Shala thotë se deklarimi i Rozeta Hajdarit se Policia, edhe me urdhër të Gjykatës, nuk ka të drejtë që të marrë si prova dokumentet e klasifikuara është absurd.
“Nëse do të ishte kështu, secili ministër do të klasifikonte dosjet me qëllim të shmangies nga përgjegjësia penale. Në situata të tilla, do të ishte e pamundur që të zhvillohej një hetim në një dikaster të caktuar ministror. Normalisht, këtë logjikë nuk e ndjekë as legjislacioni penal në Kosovë, sikurse legjislacionet e shteteve të tjera bashkëkohore”, ka thënë Shala nga IKD, raporton Betimi për Drejtësi.
Sot, Rozeta Hajdari, ka thënë se policia kundërligjshëm ka marrë dokumentet e rezervës shtetërore, duke e rrezikuar sigurinë kombëtare.
Ajo ka thënë se shpreson që organet e hetimeve, krahas punës hetimore të mos cenojnë sigurinë shtetërore, për sa kohë që bëhet fjalë për rezervën shtetërore e klasifikuar sipas Ligjit për rezervën shtetërore dhe Ligjit për mbrojtjen e informacionit shtetëror të klasifikuar.
“Provat e marra nga policia në MINT janë të klasifikuar si sekrete shtetërore, ndërsa policia e njësisë hetuese nuk ka prezantuar certifikatë të sigurisë sekrete. Pra kërkesa e Policisë për pranim dorëzim të këtyre provave ka qenë ne kundërshtim me Ligjin për mbrojtjen e informacionit të klasifikuar”, ka thënë Hajdari, transmeton Telegrafi.
Ndërkohë, Ministrja s’ka fare certifikatë të sigurisë.
Aksioni i Policisë dhe Prokurorisë ka nisur sot në orën 6 të mëngjesit në dy lokacione.
Ministria që udhëhiqet nga Rozeta Hajdari i ka mirëpritur hetimet e Prokurorisë Speciale për rezervën shtetërore dhe u ka bërë thirrje organeve të hetuesisë të mos cenojnë sigurinë kombëtare gjatë hetimeve.
Edhe Vjosa Osmani, Presidente e Republikës, ka thënë se duhet pritur përfundimin e punës së organeve të drejtësisë lidhur me arrestimet e sotme të tre të dyshuarve për përfshirje në dallavere me rezervat shtetërore.
Ndërkohë, Prokuroria Speciale e Republikës së Kosovës ka njoftuar se tre të arrestuarit e sotëm – Hafiz Gara, Irfan Lipovica dhe Ridvan Muharremi – janë ndaluar për 48 orë derisa është paralajmëruar se do të kërkohet masa e paraburgimit ndaj të dyshuarve.
Bastisjet janë zhvilluar pas publikimit të disa audio-incizimeve në të cilat dëgjohen dy zyrtarë të MINT-it të cilët pretendojnë se vaji i paguar nga Polonia nuk iu bashkua rezervës shtetërore. Sipas atyre incizimeve, njësoi ndodhi edhe me një pjesë të grurit.
Promo
Reklamo këtuLufta Prigozhin - Putin
Më shumëNga Rubrika
Zbulohet një magazinë e përshtatur për kultivim të kanabisit në Peqin, arrestohet i dyshuari
Mexhiti: Anëtarët e Këshillit Themelues më autorizuan të vazhdojmë me bisedimet për Qeverinë e re
Diskriminimi i banorëve shqiptarë në Graçanicë, Avokati i Popullit: Rasti është në procedurë të hetimit
Allen përmend Asociacionin, e ndërlidh me rrugëtimin euroatlantik të Kosovës
Arratiset Enver Sekiraqa, policia ka informuar të gjitha vendkalimet kufitare
Kosova nënshkruan marrëveshje me SHBA-të kundër manipulimit të informacionit nga shtetet e huaja
Najçevska: Pse është kaq e rëndësishme që kryetari i parlamentit të jetë shqiptar
Arratisja e Enver Sekiraqes, flet avokatja e tij
Policia ndalon një serb në Leposaviq, kishte veshur uniformë ushtarake të Serbisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare