Liverpooli planifikon dy blerje të tjera në mesfushë pas Wataru Endos

Liverpooli thuhet se po planifikon të nënshkruajë edhe me dy mesfushorë të tjerë përveç Wataru Endo, në këtë afat kalimtar të verës.

Endo është në prag të përfundimit të një lëvizjeje në Anfield pasi klubi ra dakord të mërkurën për një marrëveshje prej 18 milionë eurosh me Stuttgartin.

Mbështetësit me sy shqiponjë që atëherë kanë gjurmuar fluturimin e 30-vjeçarit, i cili thuhet se zbriti në aeroportin John Lennon dje në mbrëmje, përpara testeve mjekësore të mesfushorit japonez.

Lexo po ashtu Wataru Endo pritet të jetë transferimi i ri i Liverpoolit

Megjithatë, Jurgen Klopp nuk ka përfunduar këtu dhe është i prirur të sjellë dy mesfushorë të tjerë përpara se afati kalimtar të mbyllet në më pak se dy javë.

Sipas mediumit talkSPORT, Liverpool ka nisur bisedimet me mesfushorin e Fiorentinës, Sofyan Amrabat, i cili është lidhur shumë me një kalim te rivalët e Ligës Premier, Manchester United, këtë verë.

Ndërkohë, Reds thuhet se kanë rindezur interesin e tyre për holandezin e Bayern Munichut, Ryan Gravenberch.

Amrabat, i cili u përshkrua si “i jashtëzakonshëm” nga ish-trajneri i Spanjës, Luis Enrique, pasi Maroku mundi La Rojan, do të plotësonte vendin e fundit ekstra-komunitar në skuadrën e Liverpoolit, me Endo që do kishte zënë vendin tjetër.

Gravenberch, ndërkohë, nuk do të merrte një vend jo evropian për shkak se është vetëm 21 vjeç, që do të thotë se Klopp mund të nënshkruajë me të vërtetë të tre mesfushorët në radhët e tij.

Ata ka të ngjarë të kenë fonde të mjaftueshme gjithashtu, me Reds që më parë kishte shfaqur pasurinë e tyre kur ranë dakord për një marrëveshje prej mbi 120 milionë eurosh me Brighton për Moises Caicedo, i cili në fund zgjodhi Chelsean.

Lexo po ashtu Jo vetëm Caicedon, Chelsea po ia rrëmben nga duart Liverpoolit edhe Lavian

Sipas gazetës italiane të lajmeve TuttoMercatoWeb, Gravenberch mund të jetë në dispozicion për rreth 50 milionë euro, ndërsa Amrabat pritet të kushtojë deri në 35 milionë euro, pretendon CaughtOffside.

Prandaj, të tre mesfushorët mund të vijnë te Reds me më pak se çmimi që Reds ishin të gatshëm të shpenzonin për Caicedo.

Deri më tani, Liverpool ka sjellë në mesfushë dyshen Alexis Mac Allister dhe kapitenin e Hungarisë Dominik Szoboszlai, duke e lënë Klopp në nevojë për të paktën një mesfushor me tipare mbrojtëse. /Telegrafi/