Brozovic në Paris për tu takuar me drejtuesit e Al Nassr, Interi ka marrëveshje me arabët

Marcelo Brozovic u pa në Paris për negociatat me drejtorët e Al-Nassr, pasi ata vazhdojnë të jenë të interesuar për lojtarin.

Al-Riyadhiah postoi një fotografi të Brozovic në hotelin Shangri-La në Paris, ku ai me sa duket po përgatiste një takim me përfaqësuesit e Al-Nassr.

Reprezentuesi kroat është menduar të jetë në prag të një transferimi në Arabinë Saudite, por situata ka qenë shumë komplekse.

https://t.co/n3AXWztFJm

— Alfredo Pedullà (@AlfredoPedulla) July 1, 2023

Fillimisht ata ranë dakord për një tarifë prej 23 milionë euro me Interin, më pas iu desh të rrisnin kushtet personale për lojtarin në 100 milionë euro gjatë tre viteve për të bindur lojtarin.

Pas kësaj, Al-Nassr uli papritur çmimin e blerjes së rënë dakord në 13 milionë euro plus 2 milionë euro bonuse, duke e rritur atë mbrëmë në 17-18 milionë euro.

Lexo po ashtu Marotta flet për situatën e Brozovic, paralajmëron Al-Nassrin dhe Barcelonën

Interi e ka pranuar ofertë prej 18 milionë euro nga Al-Nassr për Brozovic, kështu që ai tani mund të përfundojë transferimin.

Sky Sport Italia, Sportitalia, Tuttomercatoweb janë të bindur se marrëveshja tani është bërë dhe vetëm duhet të ratifikohet. /Telegrafi/