Evropa pushtohet nga klubet shqiptare, 10 prej tyre nga Kosova, Shqipëria dhe Maqedonia e Veriut mësojnë kundërshtarët

Në selinë e UEFA-së në Nyon është hedhur shorti për garat evropiane si Liga e Kampionëve dhe Liga e Konferencës.

Skuadrat shqiptare nga Kosova, Shqipëria dhe Maqedonia e Veriut kanë mësuar edhe emrat e kundërshtarëve për raundin e parë të këtyre kualifikimeve.

Kampioni në fuqi i Kosovës, Ballkani do të përballet me kampionët e Bullgarisë, Ludogorets ku konsiderohet si kundërshtar shumë i vështirë.

Lexo po ashtu Ballkani mëson kundërshtarin për raundin e parë kualifikues në Ligën e Kampionëve

Skuadra shqiptare që u shpall kampion në Maqedoninë e Veriut, Struga do të ketë rivalë në këtë raund skuadrën lituaneze të Zalgiris, ekip që ka eliminuar Ballkanin në raundin e parë të Ligës së Kampionëve sezonin e kaluar.

Partizani nga ana tjetër do të ketë kundërshtarë në këtë raund ekipin bjellorus të  BATE Borisov, me “të kuqtë” e Tiranës që në ndeshjen e parë janë në cilësinë e skuadrës vendase.

Lexo po ashtu Gjilani dhe Dukagjini mësojnë kundërshtarët për raundin e parë kualifikues në Ligën e Konferencës

Ndërkohë edhe skuadrat shqiptare si Dukagjini, Gjilani, Tirana, Vllaznia, Egnatia, Shkupi dhe Shkëndija e Tetovës  kanë mësuar kundërshtarët në raundin e parë.

Gjilani do ta luajë ndeshjen e parë në udhëtim me skuadrën nga Luksemburgu Progres Niederkorn.

Shkupi do të përballet në këtë fazë me ekipin e lituanez të Hegelmann, teksa Dukagjini do të ndeshet me ekipin nga Gjibraltari, Europa FC.

Tirana nga ana tjetër do të ketë kundërshtarë në këtë raund gjeorgjianët e Dinamo Batumi.

Lexo po ashtu Liga e Konferencës, Shkëndija dhe Shkupi mësojnë emrat e kundërshtarëve

Egnatia do të ndeshet me armenët e Ararat Armenia, teksa Vllaznia me ekipin nga Irlanda e Veriut, Linfieldin.

Ndërkohë skuadra tjetër shqiptare, Shkëndija do të përballet me skuadrën uellsiane Haverfordwest County AFC. /Telegrafi/