Zgjedhja e kryetarëve të rinj shqiptar në komunat veriore, Mitrovicë e veriut, Leposaviq, Zveçan dhe Zubin Potok, ka rikthyer tensionet dhe protestat e dhunshme të serbëve lokalë.
Pikërisht për shkak të tensioneve në komunat veriore dhe arrestimit të tre policëve kosovarë nga forcat serbe, Qeveria e Kosovës u detyrua të marrë edhe vendim për ndalimin e mallrave serbe nga Serbia
Më 14 qershor, Qeveria vendosi të shtrëngojë kontrollet kufitare me Serbinë, kësisoj duke ndaluar të futen mallrat serbe brenda territorit të Kosovës.
Zëdhënësi i Doganës së Kosovës, Adriatik Stavilevci, konfirmoi për Telegrafin se vendimi është duke u zbatuar.
“Nuk kemi pasur asnjë hyrje, është duke u zbatuar masa e sigurisë për ndalimin e hyrjes”, bëri të ditur ai.
Zgjedhjet e parakohshme lokale që u mbajtën në katër komunat e lartë cekura, nxorën fitues katër kandidatët e partive shqiptare, dy kandidatë nga Partia Demokratike e Kosovës dhe dy nga Lëvizja Vetëvendosje.
Megjithëse procesi i zgjedhjeve u vlerësua si i qetë dhe pa incidente, serbët lokalë bojkotuan zgjedhjet, ndërsa ndërkombëtarët vlerësuan se zgjedhjet e mbajtura nuk ofrojnë zgjidhje të gjatë politike.
Pas certifikimit të këtyre zgjedhjeve, kryetarët e rinj shqiptar më 26 maj u vendosën në objektet komunale për të ushtruar detyrën e tyre, por që vendosja e tyre u përcjell me tensione të shumta dhe protesta të dhunshme nga ana e serbëve lokalë.
Kryetarët e rinj u asistuan nga Policia e Kosovës gjatë vendosjes së tyre në objektet komunale, ndërsa serbët sulmuan dhunshëm zyrtarët policorë, duke lënduar disa prej tyre dhe duke dëmtuar vetura e tyre.
Grupe kriminale serbe tentuan të hyjnë dhunshëm në objektet e komunës, por që më pas ata u pengun edhe nga ushtarët e KFOR-it. Që nga data 26 maj, në komunat veriore KFOR dhe Policia e Kosovës kanë shtuar praninë e tyre pranë objekteve komunale.
Serbët ndërkohë vazhduan me protesta, ku shumë prej tyre ishin të dhunshme duke sulmuar kështu edhe ushtarët e KFOR-it, ekipet e mediave nga Kosova dhe Shqipëria si dhe Policinë e Kosovës.
Sulmet e protestuesve u dënuan ashpër nga institucionet e Kosovës dhe nga ndërkombëtarët, ku u bë edhe thirrje që të ulen tensionet në komunat veriore dhe palët të rikthehen në dialog.
Kryeministri i vendit, Albin Kurti në adresimet e tij për media vazhdon të deklaron se në veri ka grupe kriminale që marrin urdhëra nga Serbia, dhe se ato duhet të largohen nga Kosova.
“Sa i përket komunave të veri të Kosovës, Policia e Republikës së Kosovës është në ndërtesat e komunës për shkak se jashtë ka banda kriminale, unë jam për një situatë normale, ku edhe nëpër komunat në veri nuk ka më shumë policë së komunat tjera, por ka punë që të arrihet ajo”, kishte thënë Kurti.
Lidhur me sulmet e gazetarëve, Policia tashmë ka arrestuar disa të dyshuar të serbë.
Tensione në veri pati dhe në ditën kur Policia e Kosovës arrestoi një ndër të dyshuarit për sulm ndaj KFOR-it, Milun Milenkoviq. Një ditë pas arrestimit të tij, në veri forcat serbe kidnapuan tre policë të Kosovës.
Ata u dërguan në Serbi, ndërsa u është caktuar masa e paraburgimit prej 30 ditë.
Lirimin e tyre të menjëhershëm e kanë kërkuar institucionet kosovare dhe ndërkombëtarët. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Implantet dentare a janë zgjidhje e përhershme për rregullimin e dhëmbëve – flet stomatologu Hoxha
Mitsotakis: Qeveria e re e Maqedonisë duhet të respektojë Marrëveshjen e Prespës
Drejtoi veturën në ndikim të alkoolit, dënohet ferizajasi me 500 euro, pikë negative, masë mbrojtës e konfiskim të automjetit
“Ne ishim të gatshëm ta japim jetën për ta mbrojtur Kosovën”, presidentja Osmani përcjell mesazhin e ushtarëve amerikanë të Gardës Kombëtare të Teksasit
Serbët e veriut: Ata që duan të jetojnë këtu duhet ta kenë patentë-shoferin e Kosovës
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Kurti fton në takim liderët e tri partive opozitare, tregon për çka do të bisedojnë
Taksitë ilegale, Dushi paralajmëron shtimin e masave në kryeqytet dhe konfiskim të automjeteve për kohë më të gjatë
Gjendet pa shenja jete një grua në Ferizaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë