Ministri i Financave, Punës dhe Transfereve, Hekuran Murati, ka fajësuar të shtunën Lidhjen Demokratike të Kosovës që e ka çuar në Gjykatën Kushtetuese ligjin për çmimet tavan, duke thënë se ky veprim ka bërë që shumë produkte vazhdojnë të mbajnë çmim të lartë, përtej normales.
E lidhur me këtë deklaratë ministrit Murati i kanë reaguar ashpër zyrtarë të LDK-së.
Ish-ministrja dhe deputetja e kësaj partie, Hykmete Bajrami, duke e quajtur patetik i është drejtuar Muratit me fjalët “shko në shtëpi se kjo nuk është punë për ty”.
“Ju shkoj mandati me vaj në buzë. Duhesh me qenë tepër i dështuar, kur je në pozitën e ministrit të financave, në vitin e tretë të mandatit dhe i takon një qeverie që i ka të gjitha nivelet e pushtetit e krejt çka ke me thënë është se ‘LDK-ja s’po me len me punu’. Le ministër, shko në shtëpi se kjo nuk është punë për ty – populli thotë nuk shkon me zor”, ka shkruar Bajrami në Facebook.
Ajo tutje ka thënë se LDK-ja çdo herë ka qenë në mbrojtje të Kushtetutës së vendit.
“Rënia e çmimit të derivateve dhe vajit ushqimor nuk është bërë me ligj, pikërisht tregu i lirë/konkurrenca e ka bërë këtë. Ju s’keni qenë në gjendje të ndërmerrni asgjë, andaj edhe në atë që ke thënë brenda disa rreshtave je kundërthënës edhe vetën”.
Dhe në fund, deputetja ka pasur edhe një “këshillë të sinqertë” për Muratin.
“Mos hartoni/votoni ligje antikushtetuese sepse prapë do të përfundojnë në Gjykatë Kushtetuese, prej tani po të tregoj që Ligji për Fondin Sovran është i tillë për shkak të nenit 65 të tij, andaj mos thuaj nesër ‘LDK-ja i ka fajet’, sepse ne nuk ndjehemi në faj kur jemi në mbrojtje të Kushtetutës”, ka shkruar mes tjerash Bajrami.
Ndërsa anëtari i Kryesisë së LDK-së, Xhafer Tahiri, ka thënë se në Kosovë kriza e çmimeve është rezultat i paaftësisë së Qeverisë për të ndërhyrë në treg me masa fiskale.
“Ministër Murati, qytetarët po e paguajnë çmimin e paaftësisë tuaj, e LDK po ju tregon sa i paaftë je! Ja disa fakte: Çmimi i naftës zbriti pa pasur nevojë për ligj; çmimi i hekurit por edhe i materialeve ndërtimore zbriti po ashtu. Lufta në Ukrainë po vazhdon, dmth edhe ky argument që e përdornit, ju iku”, ka shkruar Tahiri në Facebook.
“Në Kosovë, kriza e çmimeve është rezultat i paaftësisë së Qeverisë me ndërhy në treg me masa fiskale. Juve ju shkoi mandati duke fajësuar të tjerët për paaftësinë tuaj!”, ka shtuar ai. /Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Bëhu banor i kryeveprës së Prizrenit - Grand Residence
Kurrë s’e ke pas ma lehtë se me Telegrafi Jobs me gjetë punë!
Qysh bohet kerri i vogël, kerr i ri!
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Franca është magnet për investitorët e huaj - cilat reforma i bëri për t'i lënë pas Gjermaninë e Britaninë?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak