Zhvillime interesante në Madrid: Perez ka vendosur mes Mbappes dhe Haalandit

Real Madrid thuhet se është gati të largohet nga gara për Kylian Mbappen dhe në vend të kësaj të synojë Erling Haalandin.

Gjiganti i La Ligës është përpjekur të nënshkruajnë me sulmuesin francez për dy vitet e fundit, por është refuzuar në çdo tentim.

Ata shpresonin se ai do t’i bashkohej klubit vitin e kaluar, vetëm që fituesi i Këpucës së Artë të Kupës së Botës të nënshkruante një marrëveshje të re dyvjeçare me PSG-në, e cila do të zgjasë deri në vitin 2024.

Lexo po ashtu Ancelotti: A do të nënshkruajmë me Mbappen? Kjo është një pyetje që nuk do t'i përgjigjem kurrë

Marca raporton tani se ata mbeten të dëshpëruar për të nënshkruar me 24-vjeçarin, por pranojnë se do të kenë nevojë që ai të bëjë presion ndaj PSG-së për t’i bindur ata që ta shesin.

Raportimi shton se Mbappe nuk dëshiron të ushtrojë një klauzolë në kontratën e tij për ta zgjatur atë për një vit tjetër, që do të thotë se ai do të jetë i lirë të largohet nga klubi në fund të sezonit të ardhshëm.

Kjo mund të bëjë që PSG të jetë i gatshëm ta shesë atë këtë verë në mënyrë që të mos e humbasë atë për asgjë.

Lexo po ashtu Florentino Perez planifikon ofertën verore për Haalandin

Por, Mbappe do të duhet të ulë pritshmëritë e tij dhe të bëjë shumë më tepër që klubi ta marrë atë në kryeqytetin spanjoll.

Nëse ai nuk e bën këtë, atëherë gjigantët spanjollë do të shkojnë për Haalandin e Manchester Cityt dhe do të paguajnë klauzolën e tij të lirimit prej 200 milionë euro në verën e vitit 2024. /Telegrafi/