Odegaard kujton kohën te Real Madridi: Babai më qonte në stërvitje, ndërsa unë luaja me Ronaldon, Benzeman dhe Modricin
Norvegjezi Martin Odegaard ishte vetëm 16 vjeç kur mbërriti te Real Madrid dhe megjithëse në një moshë kaq të re konsiderohej si një nga talentet më të mëdhenj në botë, por ai nuk arriti të gjente rrugën në dhomën e zhveshjes te klubi mbretëror.
Sot, ai është kapiteni i Arsenalit dhe kujton me dashuri kohën e tij të kaluar në Madrid.
Eksperiencën e tij, ai e ka ndarë në një rubrikë për “The Players Tribune”, ku ai ka kujtuar ditën kur avioni i klubit mbërriti për ta marrë në Norvegji dhe ai shkoi për të nënshkruar kontratën me Realin.
“Mendova se do të ndërrohesha në hotel, por papritmas u ula pranë legjendës Emilio Butragueno, ai ishte elegant, dhe unë me një bluzë të vjetër, pa bërë dush dhe u përpoqa të rregulloja flokët me duart e mia… Ishte dita më e madhe e jetës sime, dhe fotot bënë xhiron e botës. Unë supozohej të isha lojtari që Reali bleu pasi mundi të gjitha klubet e tjera dhe dukesha si një nxënës shkolle që erdhi për të vizituar stadium”, kujton norvegjezi.
Megjithatë, ai thotë se ishte një përvojë e madhe për të dhe diçka që shënoi jetën e tij.
“Ishte e pabesueshme, dhe unë isha shumë i vogël për të vozitur dhe për të shkuar në stërvitje vetë. Babai im më ngiste çdo ditë, dhe unë luaja me Iscon, Ronaldon, Ramosin, Modricin, Balen, Benzeman. Ai më voziste si do të shkoja në shkollë, dhe të gjithë ishin të mrekullueshëm, sidomos lojtarët që flisnin anglisht. Ata u kujdesën veçanërisht për mua”, thotë kapiteni i Arsenalit.
Norvegjezi që po udhëheq Arsenalin drejt titullit të kampionit, thotë se mediat nuk ishin miqësore me të.
“Mediat më persekutuan sepse nuk i përmbusha menjëherë pritshmëritë. Isha objektiv i lehtë për ta dhe ishte e lehtë të shkruaje, sepse po vuaja atë mënyrë të re jete. Nëse do të isha spanjoll, ndoshta do të kishin dhënë pak më shumë mundësi për të pasur sukses, dhe sinqerisht, është e çuditshme se si në futbollin modern nuk ka rrugë të mesme, vendoset menjëherë, ose je nënshkrimi më i mirë i të gjitha kohërave ose të je lojtari më i keq”, tregon Odegaard.
Reali fillimisht e huazoi lojtarin te Arsenali në vitin 2021, dhe Topçinjtë e blenë atë një vit më vonë dhe shpejt e bë edhe kapiten./Telegrafi/
Promo
Reklamo këtuLufta Prigozhin - Putin
Më shumëTre kandidatët favorit që po përfliten si zëvendësues të Xavit tek Barcelona
Carlo Ancelotti i ka kërkuar Real Madridit transferimin e yllit të Arsenalit në verë
Zvicra publikon listën preliminare për Euro 2024, mes tyre gjashtë shqiptarë
Fabregas mbajti fjalën, dërgon në Ibiza të gjithë skuadrën e Comos pas kalimit në Serie A
Ylli i Spanjës humb Euro 2024 shkaku i lëndimit
"Chelsea nuk gaboi me largimin e Havertz, gaboi me Kovacicin" - legjenda franceze analizon gabimet e ish klubit të tij
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë