Burri nga Florida arrestohet pasi thirri një prostitutë në muajin e mjaltit

Një burrë nga Florida është arrestuar gjatë muajit të tij të mjaltit pasi që ai iu përgjigj një reklame për një prostitutë – vetëm për të arritur në hotel dhe ta gjej një detektiv duke e pritur atë në vend të saj.

Paul Turovsky, një biznesmen 34-vjeçar i cili sipas mediave lokale banon në Fort Myers, shkoi në Tampa për muajin e tij të mjaltit pas dasmës së tij me 15 korrik.

Gruaja e tij kishte rënë në gjumë, dhe kështu Turovsky hyri në internet për të kërkuar për një prostitutë, transmeton Telegrafi.

Turovsky i cili nuk ishte në dijeni, sherifët e Hillsborough County ishin duke kryer një operacion për luftimin e trafikut me njerëz, seksin me të mitur dhe prostitucionin.

Ndërkaq Daily Mail shkruan se besohet se Paul ishte duke kërkuar një prostitutë të moshës së rritur.

Kur ai arriti tek hoteli Hyatt në Tampa, atij iu vendosen prangat.

Nuk është bërë e ditur se cila ishte data e arrestimit të tij, por që ngjarja ndodhi gjatë një operacioni disa mujor, gjatë së cilit policët thonë se kanë kapur shumë klientë prostitutash.

Mbetet ende e paqartë se nëse ai ka vazhduar të jetë i martuar.

Turovsky ishte një nga 176 burrat e arrestuar gjatë operacionit. /Telegrafi/