Shifrat e ofruara nga PSG që e bën Mbappen të qëndrojë thjeshtë janë çmenduri – vetëm nga paga afër 2 milionë euro në javë, pa llogaritur bonuset

Saga e së ardhmes së Kylian Mbappe ka dominuar titujt e lajmeve prej disa kohësh, pasi ylli i Paris Saint-Germain ka qenë i lidhur me një transferim si lojtar i lirë në Real Madrid gjatë verës.

Marrëveshja aktuale e Mbappes me PSG skadon në fund të sezonit 2021/22 dhe joshja që vinte nga “Santiago Bernabeu” dukej e pa rezistueshme.

Por pas javësh raportime dhe pretendime se sulmuesi 23-vjeçar do të shkojë nga Parisi në Madrid, oferta e fundit e ardhur nga sheikët e Katarit, duket se ka ndryshuar lojën për momentin.

Siç shkruan Eurosport, transferimi i Mbappe në Real Madrid është tashmë ‘pothuajse i pamundur’, pasi PSG bëri një ofertë të jashtëzakonshme për kontratë të re.

Shifrat e cituara nga mediumi i njohur janë çmendur dhe të padëgjuara më parë.

Mbappe do të marrë një bonus për nënshkrimi e kontratës së re në vlerë prej 300 milionë euro, ndërsa do të ketë një pagë vjetore prej 100 milionë euro.

Duke parë pagën e tij, i bie se ylli francez do të marr nga 1.9 milionë euro çdo javë, pa llogaritur paratë e bonusit të nënshkrimit të kontratës.

⚠⚽ Noticia @Eurosport_ES: 300M de prima y 100M ¡netos! por año, las claves del no de Mbappé al Real Madrid https://t.co/e7FWDT5ss4

— Eurosport.es (@Eurosport_ES) May 20, 2022

Kjo është përtej një çmendurie, apo jo? Do të jetë një nga marrëveshjet më fitimprurëse në historinë e futbollit dhe sportit në përgjithësi.

Nuk është çudi që Mbappe mund të qëndrojë në PSG, pasi aty luan së bashku me dyshen Lionel Messit dhe Neymar.

Një njoftim zyrtar nga vetë lojtari pritet gjatë kësaj jave, ku sipas L’Equipe, kjo mund të ndodhë pas ndeshjes së fundit të sezonit të skuadrës në Ligue 1 kundër Metz të dielën.

Ish-lojtari i AS Monaco ka shënuar 25 gola dhe ka asistuar 17 herë në Ligue 1, që është një sezon vërtet i jashtëzakonshëm për të. /Telegrafi/