Naumovska: Maturantët detyrat projektuese mund ti mbrojnë deri më 19 Maj, 15.899 nxënës janë pjesë e provimeve të maturës
Në provimin e maturës shtetërore nuk do të ketë pyetje nga materiali mësimor që duhej të kalonte gjatë periudhës sa kishte grevë në shkolla. Maturantëve do t’u jepen afate të reja për marrjen e detyrës projektuese për shkak të mungesës së mësimit gjatë grevës.
Qendra Shtetërore e Provimeve dhe Ministria e Arsimit dhe Shkencës kanë rënë dakord për shtyrjen e afatit për dhënien e provimit më 19 maj të këtij viti, pra deri në fund të vitit shkollor për maturantët.
Këtë e pohon Elizabeta Naumovska, drejtoreshë e Qendrës Shtetërore të Provimeve, e cila thekson se në të njëjtën kohë në provimet e maturës shtetërore nuk do të ketë pyetje nga materiali mësimor nga koha e grevës në shkolla.
“Nxënësit që nuk e kalojnë detyrën projektuese, për të cilën afati ligjor ishte data 21 prill, do të kenë një afat shtesë për ta kaluar deri më 19 maj, kur sipas kalendarit janë ditët e shkollës kur përfundon viti shkollor për maturantët. Mund të them se pak më shumë se 10 për qind e numrit total të maturantëve mbetën pa një detyrë projektuese për shkak të grevës. Gjatë grevës që u organizua në shkolla, mësimdhënësit refuzuan mbikqyrjen e detyrave projektuese e cila është pjesë e provimit të maturës shtetërore. Sipas kalendarit, maturantët studiojnë deri më 19 maj dhe deri në atë periudhë do të vazhdohet afati”,tha Naumovska.
Të pandryshuara mbeten datat për dhënien e dy provimeve eksterne nga viti akademik 2021/2022 në seancën e provimeve të qershorit. Më 4 qershor maturantët do të testohen në gjuhën amtare (gjuhë dhe letërsi maqedonase, shqipe ose turke), ndërsa më 13 qershor do të jetë testi i matematikës, gjuhës angleze, frënge, gjermane, ruse, filozofi ose estetikë.
“Përveç detyrës së projektit, të gjitha afatet e tjera mbeten të njejta. Ka kohë dhe hapësirë të mjaftueshme që maturantët të përgatiten. Ata sivjet ashtu si vitin e kaluar do t’i nënshtrohen provimit të maturës shtetërore. Materiali për pyetjet e provimit është tërhequr nga viti i parë, i dytë, i tretë dhe i katërt deri në muajin mars dhe nuk mbulon periudhën e grevës së mësuesve”, deklaroi Naumovska.
Në provimin e maturës shtetërore në seancën e provimit të qershorit aplikuan 15899 maturantë, nga të cilët 7135 të arsimit të mesëm, 8504 të arsimit profesional dhe 260 nxënës të shkollave artistike.
Provimi i maturës shtetërore në vend zhvillohet që nga viti 2007. Në fund të vitit 2019/2020 nuk u organizua për herë të parë për shkak të Covid-19 dhe me kërkesë të maturantëve të vitit të kaluar për lehtësimin e kushteve, numri i provimeve të jashtme u reduktua nga tre në dy.
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Kosova jashtë KiE-së, deputetja finlandeze akuzon BE-në se po tregohet e butë me Serbinë
Kosova jashtë KiE, Mujanoviq: BE po çon ujë në ‘mullirin’ e Vuçiqit
Operacioni i SPAK, RENEA ‘zbarkon’ në vilat e bosëve të krimit, ngjiten me shkallë
Plagosje me armë zjarri në Nashec të Prizrenit
Vjosa Osmani në Clinton Global Initiative në Bullgari
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë