Stivi Frashëri është liruar nga spitali, ndërsa Ballkani i rikujton Gjilanit se si është pritur në Therandë

Ballkani ka lëshuar një tjetër njoftim, duke thënë se gjendja e portierit të tyre, Stivi Frashëri është e mirë dhe së është liruar nga spitali.

Gardiani shqiptar u godit nga tifozët e Gjilanit në fund të takimit, pas golit të pësuar nga homologu i tij që realizoi me kokë.

Përmes një postimi në faqen e tyre zyrtare në Facebook, Ballkani i ka rikujtuar Gjilanit për pritjet që kanë marrë në Therandë:

Të dashur tifozë,

Siç jeni tashme te njoftuar lidhur me incidentin ne ndeshjen ndermjet SC Gjilani dhe FC Ballkani gjeja më e rëndësishmja është mirëqenia dhe shëndeti i Stivi Frasherit.

Lidhur me këtë falenderojmë të gjithë komunitetin sportiv dhe qytetaret e ndershëm për mbështetjen ndaj të sulmuarit Stivi, i cili fatmirësisht është jashtë rrezikut për jetë ku në emergjencen e spitalit ne Gjilan i ka bërë analizat fillestare, ndërsa është i udhëzuar për të bërë rezonanca shtesë pasi ka shtypje te mbrendshme .

Shpresojmë në sherimin sa me te shpejt të gardianit tonë.

Të ju përkujtojmë se SC Gjilani në Suharekë ka marr pikët e plota si mysafir, por asnjëherë nuk i’u është rezervuar pritja e këtill si kjo e sotit pasi ne si klub i kemi raportet shume te mira me të gjitha klubet.

Futbollistët e rivalit tonë të sotshem i përgëzojmë për angazhimin dhe lojën e shfaqur, ndërsa organizimin e ndeshjes derbi i’a lejmë organeve kompetente që të vlerësojnë dhe gjykojnë brenda rregulloreve te FFK-se

Huliganizmi i shfaqur pa përfunduar ndeshja kryesore e kësaj xhiroje askujt nuk i shkon për shtati, andaj ftojmë policin e Kosovës dhe të gjitha institucionet e sigurisë që të bëjnë çmos për të vënë drejtësinë me qëllim që raste te këtilla mos të përseritën asnjëherë.

Faleminderit te gjithë opinionit futbolldashës për reagimet dhe mbeshtetjet.

Me respekt FC Ballkani. /Telegrafi/