Atletico Madridi dhe Barcelona të interesuar për nënshkrimin e Dybalas

Presidenti i Atletico Madridit, Enrique Cerezo, ka hapur derën për të sjellë në Spanjë sulmuesin e Juventusit, Paulo Dybala, ndërsa interesim ka shprehur edhe Barcelona.

Dybala do të largohet nga Juventusi këtë verë kur t’i skadojë kontrata e tij në fund të muajit qershor.

Emri i yllit argjentinas ka qenë i lidhur me shumë klube të mëdha si Interi, Milani, Paris Saint-Germain dhe Barcelona.

Megjithatë, garës për transferimin e tij i është bashkuar edhe Atletico Madridi, klub që është serioz në qasjen e tyre.

Atletico ka një lidhje të fortë me futbollistin argjentinas, me trajnerin Diego Simeone, i cili është një tifoz i Dybalas.

“Dybala është një lojtar i madh, por për momentin, ai është një lojtar i Juventusit”, ka thënë fillimisht Cerezo.

“Mund të jemi të interesuar. Do ta shohim; ka një rrugë të gjatë për të bërë para gushtit”, përfundoi presidenti i Atleticos.

Por, klubi madrilen nuk është i vetmi që do shërbimet e Dybalas si lojtar i lirë në verë.

Sipas gazetës Mundo Deportivo, Barcelona është e interesuar për nënshkrimin e Dybalas për të përfrocuar sulmin e tyre. /Telegrafi/