LAJMI I FUNDIT:

Latifi: Rritja e rasteve me COVID-19 mund të rris numrin e pacientëve që kërkojnë trajtim spitalor, të gjitha shërbimet duhet të jenë të gatshme

Latifi: Rritja e rasteve me COVID-19 mund të rris numrin e pacientëve që kërkojnë trajtim spitalor, të gjitha shërbimet duhet të jenë të gatshme

Ministri i Shëndetësisë i Republikës së Kosovës, Rifat Latifi me bashkëpunëtorë qëndroi sot në Qendrën Klinike Universitare të Kosovës ku vizitoi disa prej klinikave të saj, ndërsa theksoi se numri në rritje i rasteve me COVID-19 mund të rris edhe numrin e pacientëve që kërkojnë trajtim spitalor, për çka të gjitha shërbimet duhet të jenë të gatshme.

Ai vizitoi së pari Klinikën Infektive ku nga drejtori i SHSKUK-së, Valbon Krasniqi dhe drejtori i Infektivës, Arben Vishaj u njoftua për gjendjen aktuale sa u përket kapaciteteve për trajtimin e pacientëve me COVID-19 si dhe mobilizimin e shërbimeve të tjera.


Aktualisht në këtë klinikë është një numër i vogël i pacientëve me COVID-19 në trajtim, por u vlerësua se numri në rritje i rasteve me COVID-19 mund të rris edhe numrin e pacientëve që kërkojnë trajtim spitalor, për çka të gjitha shërbimet duhet të jenë të gatshme.

Ministri Latifi më pas vizitoi edhe Klinikën Emergjente ku nga personeli aty është njoftuar me punën që bëhet, triazhimin dhe trajtimin e rasteve në këtë klinikë, për të vazhduar pastaj me vizitë në Klinikën e Kardiologjisë, me theks në njësinë e kardiologjisë invazive.

Ministri është informuar aty për rritjen e vëllimit të punës, derisa prioritet u tha që mbetet edhe rritja e cilësisë së shërbimeve.

Ministri Latifi vizitoi edhe Klinikën e Pulmologjisë ku aktualisht janë duke u trajtuar disa pacientë post covid-19 dhe është informuar për punën që është bërë aty gjatë pandemisë, por edhe për trajtimin e patologjive të tjera, përveç COVID-19.

Ministri Latifi ka kërkuar që klinikat e QKUK-së dhe institucionet e tjera shëndetësore të jenë të gatshme për t’u ballafaquar me çfarëdo zhvillimi të situatës epidemiologjike lidhur me COVID-19, ndërsa profesionistëve shëndetësor u kërkoi që të vaksinohen plotësisht, përfshirë edhe marrjen e dozës përforcuese të vaksinës kundër COVID-19.

Ministria e Shëndetësisë, theksoi Ministri, është për të mbështetur institucionet dhe për të krijuar kushte sa më të mira për punë me qëllim që pacientëve t’u sigurohen dhe ofrohen shërbimet e duhura shëndetësore.

Gjithashtu, Ministri Latifi u ka bërë thirrje edhe popullatës që vaksinohen plotësisht kundër COVID-19.

Në trend Lajme

Më shumë
Ligji për pagën minimale, Gjykata Kushtetuese i jep të drejtë Qeverisë

Ligji për pagën minimale, Gjykata Kushtetuese i jep të drejtë Qeverisë

Drejtësi
Stano tha se Kosova nuk e njoftoi BE-në me raport për sulmin në Banjskë, ambasadori Bajrami ia përmend të gjitha me data

Stano tha se Kosova nuk e njoftoi BE-në me raport për sulmin në Banjskë, ambasadori Bajrami ia përmend të gjitha me data

Lajme
NATO me udhëheqje të re: Lidhjet e Mark Ruttes me Kosovën ndër vite

NATO me udhëheqje të re: Lidhjet e Mark Ruttes me Kosovën ndër vite

Lajme
Çfarë pritet nga takimi ndërmjet Kurtit dhe Vuçiqit në Bruksel?

Çfarë pritet nga takimi ndërmjet Kurtit dhe Vuçiqit në Bruksel?

Elfije Boletini
Sondazhi i KDI-së: Për 57,2 për qind të qytetarëve performanca e sektorit të drejtësisë ka mbetur e njëjtë, pavarësisht reformave

Sondazhi i KDI-së: Për 57,2 për qind të qytetarëve performanca e sektorit të drejtësisë ka mbetur e njëjtë, pavarësisht reformave

Drejtësi
Qeveria i kundërpërgjigjet BE-së: Raportin 48 faqesh për Banjskën e kemi dërguar vitin e kaluar

Qeveria i kundërpërgjigjet BE-së: Raportin 48 faqesh për Banjskën e kemi dërguar vitin e kaluar

Lajme
Kalo në kategori