Formacioni më i mirë i javës së 12-të në BKT Superligën e Kosovës

Janë mbyllur edhe ndeshje e javës së 12-të, ku nuk kanë munguar ndeshjet e forta dhe rezultat befasuese.

Ballkani ka fituar derbin ndaj Prishtinës me rezultat 2-0, ndërsa Gjilani ka fituar në shtëpi ndaj Feronikelit me rezultat 1-0.

Drita në anën tjetër ka fituar si mysafir i Llapit e rezultat 3-1, sikurse që ka fituar edhe Ulpiana si mysafire e Malishevës.

Drenica në anën tjetër ka arritur të mposht Dukagjinin me rezultat 2-0.

Telegrafi si zakonisht ka zgjedhur më të mirët e javës, duke u fokusuar në paraqitjet individuale të lojtarëve nëpër ndeshje.

Portier

Faton Maloku ishte ndër më meritoret që Drita mori tri pikë ndaj Llapit. Ai pranoi një gol nga penalltia, ndërsa nga loja ishte shumë i mirë, duke mos e lënë rezultatin të barazohej.

Mbrojtja  

Mbrojtja vjen me tre. Në njërin krahë është Rustem Hoxha i Ballkanit që bëri një ndeshje shumë të mirë ndaj Prishtinës.

Në qendër është Akil Makolli që ishte ndër më të mirët e Ulpianës në fitoren si mysafir i Malishevës.

Në të majtë është Armend Halili i Gjilanit, që në cdo ndeshje po tregon rritje, duke qenë edhe vendimtar. Ai asistoi te goli i vetëm i gjilanasve, që doli të jetë i fitores.

Mesfusha

Mesfusha vjen me katër. Në njërin krahë është Denisson i Drenicës, që po del të jetë i jashtëzakonshëm këtë vit. Ai shënoi dy gola ndaj Dukagjinit, njëri prej tyre më i miri i javës.

Në qendër janë Ardi Shala  i Ulpianës, që kishte një ndeshje shumë të mirë në Malishevës, ku shënoi edhe gol që doli të jetë i fitores.

Afër tij është Arbios Thaqi, apo motori i Drenicës. Ai ndërprenë shumë aksione, vrapon pafund dhe  organizon lojën te kuqezinjtë.

Në krahun tjetër është Ermal Krasniqi, që shkëlqeu ndaj Prishtinës me gol dhe asistim. Ai ishte enigmë e pazgjidhur për mbrojtjen e Prishtinës.

Sulmi

Gjë që nuk është e zakonshme, por të tre sulmuesit e zgjedhur për këtë javës janë të qendrës. Marko Simonovski ishte më i miri te Drita, duke shënuar dhe asistuar në fitoren ndaj Llapit.

Theophilus Solomon i Ballkanit më në fund është zhbllokuar dhe atë në derbi ndaj Prishtinës, duke shënuar golin e parë.

Në sulm është edhe Blerim Krasniqi, që po ashtu ka shijuar golin e parë në Superligën e Kosovës.

Trajner

Ky vend shkon për Ardian Nuhiun e Dritës. Skuadra e tij mori një fitore të madhe ndaj Llapit si mysafir, pasi edhe formacioni që kishte inkuadruar iu përgjigj lojë së kërkuar.

Formacioni

View this post on Instagram

A post shared by Telegrafi Sport (@telegrafisport)

/Telegrafi/