Tyson Furyt mund t’i ofrohet mundësia që të përmbushë premtimin e bërë te Ronaldo

Promovuesi i Tyson Fury, Frank Warren pretendon se ai “do të donte një rikthim në shtëpi” pasi boksieri i pamposhtur deklaroi synimin e tij për të luftuar në Old Trafford.

Gypsy King mundi Deontay Wilder për herë të dytë në T-Mobile Arena për të mbajtur edhe më tej titullin WBC.

Fury ndaloi kundërshtarin e tij në raundin e njëmbëdhjetë dhe vëmendja tani është kthyer në përballjen e tij të radhës, raporton Daily Star.

Lexo po ashtu 'Është për t'u studiuar' - si arriti të ngritet Fury pasi u nokautua dy herë nga Wilder

Dillian Whyte do të jetë sfiduesi i tij i detyrueshëm me kusht që ai të mposhtë Otto Wallin muajin tjetër.

Amerika ka qenë vendi për pesë luftimet e fundit të Fury dhe ka një sugjerim që për ta parë atë të luftojë edhe një herë në Mbretërinë e Bashkuar.

Lexo po ashtu Kishte dyshime para se të fillonte meçi – Wilder kërkoi që dorëzat e Furyt të shqyheshin

33-vjeçari është një adhurues i lokacionit si Old Trafford dhe do të ishte hera e parë që nga lufta e famshme e Nigel Benn me Chris Eubank gati 30 vjet më parë.

Fury gjithashtu bëri shaka se qyteti do të luftonte për të akomoduar ose atë ose legjendën e Djajve të Kuq, Cristiano Ronaldon.

Lexo po ashtu Fury rrëfen se ishte lënduar kur e rrëzoi Wilderin për herë të parë gjatë meçit

“Më kanë mbetur dy ndeshje këtu, por do të doja të zhvilloj një luftë për titullin botëror në Manchester”, ka thënë ai për The Sun javën e kaluar.

“Ka qenë gjithmonë një ëndërr e imja të luftoja në Old Trafford. Lufta e fundit atje ishte Eubank kundër Benn në vitin 1993 dhe kjo ishte masive”.

Lexo po ashtu Fury paralajmëron Ronaldon: Mançesteri nuk është mjaftueshëm i madh për ne të dy

“Jam shumë i lumtur që Ronaldo është kthyer në Old Trafford – por ky qytet nuk është aq i madh sa për ne të dy”.

“Nëse do të jetoja në Mançester do të ishte problem. Por, unë jam një orë larg nga atje, kështu që ka shumë distancë”, ka shtuar më tej kampioni i WBC-së.

Fury u nokautua dy herë nga Wilderi në raundin e katërt, mirëpo arriti shpejt ta marrë veten dhe të fitonte duelin në raundin e 11-të me nokaut. /Telegrafi/