Kishte dyshime para se të fillonte meçi – Wilder kërkoi që dorëzat e Furyt të shqyheshin

Në një përballje epike për të mbyllur kapitullin mbi trilogjinë e tyre, Tyson Fury arriti të mbajë titullin e tij ËBC në peshat e rënda, duke mundur Deontay Wilderin.

Sidoqoftë, amerikani akuzoi britanikun para meçit për mashtrim duke pasur ‘flokë kali’ në dorezat e tij për të zvogëluar sasinë e mbushjes dhe përfundimisht të jepte një grusht më të fortë, duke u kërkuar zyrtarëve të shqyenin dorezat e Furyt.

Para ndeshjes, Wilder tha për 78SportsTV: “Ajo që ndodhi ishte dorezat e Furyt që ai zgjodhi, e cila është e njëjta gjë që ai kishte herën e kaluar, kishte pak ose aspak mbushje”.

Lexo po ashtu 'Është për t'u studiuar' - si arriti të ngritet Fury pasi u nokautua dy herë nga Wilder

“Pjesa tjetër ishte flokë kali, ne menduam se flokët e kalit nuk ishin në pyetje dhe ishin të paligjshëm, por ata thanë që ishte [në rregull], kështu që ne thamë mirë”.

“Ata më hapën mbushjen e dorezave të mia të paktën dy deri në tre centimetra të trasha.

“Argumenti im ishte se kjo nuk është e mjaftueshme për të mbushur këto doreza”.

Ai shtoi: “Ata [zyrtarët e NASC] po përpiqeshin të më bindnin se flokët e kalit në doreza nuk mund të futeshin sepse nuk i lejon mbushja që kanë dorezat”..

“Unë u thashë atyre se kishin gabuar sepse gjëja në lidhje me flokët e kalit është se me kalimin e kohës flokët e kalit mund të përhapen, dhe nëse flokët e kalit përhapen bëhen më të hollë, në këtë mënyrë ju ndjeni vetëm atë mbushje të vogël që është nën flokët e kalit”.

“Zyrtari i NASC u përpoq të vazhdonte dhe të shpjegonte përbërjen [në dorezë] do të thotë se [flokët e kalit] nuk mund të shkojnë askund”.

“Sigurisht që nuk mund të dalin jashtë, por mund të shkojë nga e majta në të djathtë në mbushje. Fillova t’i shpjegoj atij, natyrisht që nuk mund të shkojë lart e poshtë, por mund të përhapet nga e majta në të djathtë”.

“Thjesht mund t’i bashkoni duart dhe flokët e kalit do të fillojnë të zgjerohen, kështu që tani do të keni vetëm një grusht në dorën tuaj [në dorezë], një armë top sekrete”, ka shtuar amerikani.

Fury përfundimisht përfundoi trilogjinë në raundin e 11-të të luftës së tretë, duke ndaluar Wilderin që kishte rënë dy herë në dysheme para përfundimit. /Telegrafi/