Sherwood krahason Grealishin me katër yjet botërore: Guardiola mund ta transformojë atë në një superyll

Legjenda angleze, Tim Sherwood ka thënë se ylli i Manchester Cityt, Jack Grealish duhet të jetë në të njëjti vend me yjet si Kylian Mbappe, Neymar, Harry Kane dhe Erling Haaland, ndërsa beson se trajneri Pep Guardiola mund ta transformojë atë në një ‘superyll’.

Fituesit aktual të Ligës Premier thyen rekordin britanik të transferimeve për të nënshkruar me Grealish nga Aston Villa për një çmim prej 100 milionë funtesh.

Grealish, i cili nuk është i turbulluar nga çmimi i madh i paguar për të, ka bërë shtatë paraqitje për Cityn këtë sezon, duke shënuar dy gola dhe dy asistime.

Lexo po ashtu Jack Grealish shënoi gol mahnitës në debutimin e tij me Man Cityn në Ligën e Kampionëve

26-vjeçar do të jetë nën mikroskop në javët e ardhshme pasi City do të përballet me klube si Chelsea, PSG dhe Liverpool në tre ndeshjet e tyre të ardhshme.

Sherwood tani ka këmbëngulur se Grealish duhet të krahasohet me emra si Mbappe, Kane, Neymar dhe Haaland, pasi këta katër lojtarët janë ata që vijnë pas Cristiano Ronaldon dhe Lionel Messin, të cilët janë të dy në një nivel të ndryshëm.

“Jack është një talent i vërtetë dhe Pep mund ta bëjë atë një superyll. Ai është në rrugën e tij për ta bërë këtë. Ai është në rrugën e tij për të qenë si njëri nga lojtarët më të mirë në botë”, ka thënë fillimisht Sherwood për My Betting Sites.

“Gjatë tre ose katër viteve të fundit, ne kemi gjykuar të gjithë për Ronaldon dhe Messin dhe nëse i quajmë ata të klasit botëror … atëherë askush tjetër nuk është. Ata janë jashtë kësaj bote, ata janë lojtarë të jashtëzakonshëm”.

“Tani, niveli tjetër poshtë tyre mendoj se janë Kylian Mbappe, Neymar me aftësinë e tij, Haaland, Harry Kane dhe Grealish duhet të jenë në atë vend. Ai është një lojtar i jashtëzakonshëm, ai është duke luajtur futboll ndërkombëtar”.

“Askush nuk është në nivelin e Messit dhe Ronaldos disa sezone, por kush do të jetë lojtari i ardhshëm që do të jetë? Grealish është në klubin e duhur, ai do të fitojë trofe”, përfundoi anglezi. /Telegrafi/