Manchester United ndalet në udhëtim te Southamptoni

Manchester United është ndalur në barazimin 1-1 në udhëtim te Southamptoni në kuadër të javës së dytë në Ligën Premier.

Pas vetëm gjysmë ore lojë në ‘St. Mary’s Stadium’, vendasit kaluan në epërsi falë një auto-goli nga Fred.

Manchester United më pas tentoi t’i barazonte shifrat, mirëpo nuk ia doli të thyente mbrojtjen e ngjeshur të Soputhamptonit në 45 minutat e parë.

Celebration images with fans back > pic.twitter.com/FVfptP8pQS

— Southampton FC (@SouthamptonFC) August 22, 2021

Në pjesën e dytë, ishte një pamje tjetër, derisa Djajtë e Kuq ia dolën t’i barazonin shifrat në 1-1.

Ishte Mason Greenwood që pranoi një asistim nga Paul Pogba në minutën e 55-të, për ta futur më pas topin në rrjetë.

MAAAAASOOOOOOON!#MUFC | #SOUMUN

— Manchester United (@ManUtd) August 22, 2021

Pesë minuta pas golit të shënuar, mesfushori francez lëshoi një shans të mirë, duke goditur topin, por që përfundoi jashtë shtyllës së majtë.

Një rast edhe më të mirë e kishte edhe Bruno Fernandes (66’), por që u bllokua nga mbrojtja kundërshtare.

Më pas Southamptoni e testoi edhe një herë David de Gean me anë të Adam Armstrong, por spanjolli ishte në vend për të bërë pritje brilante në minutën e 74-të.

The Reds have upped the tempo in the second half – let's get that winner, boys!#MUFC | #SOUMUN pic.twitter.com/6FF3biIZhS

— Manchester United (@ManUtd) August 22, 2021

Deri në fund, ishin vendasit që tentuan t’i marrin tre pikë, mirëpo takimi u mbyll me shifrat e barabarta, duke marrë që të dyja nga një pikë.

Pas javës së dytë, Manchester United gjendet aktualisht në vendin e katërt me katër pikë, e në javën e tretë takohet me Wolvesin. /Telegrafi/