Anglia shkatërron Ukrainën dhe kalon në gjysmëfinale të Euro 2020

Kombëtarja e Anglisë ka fituar me rezultat të thellë 4-0 ndaj Ukrainës në çerekfinale të Euro 2020, duke siguruar kualifikimin në gjysmëfinale.

Tre Luanët janë treguar larg më të mirë dhe bindës sesa ukrainasit në takimin e zhvilluar në Olimpico të Romës, ku morën edhe një fitore të madhe.

Pjesa e parë e ndeshjes u karakterizua me lojë më të mirë të Anglisë, ku përveç rasteve të krijuara, arritën të shënojnë edhe një gol.

Goli i vetëm në këtë pjesë erdhi në minutën e katërt dhe ishte Harry Kane, i cili shënoi për 1-0 pas asistimit të Raheem Sterling.

Në pjesën e dytë, ekipi i Gareth Southgate hyri më furishëm dhe ishte shumë më i kompletuar duke shënuar edhe tri gola tjerë.

Dy golat e parë erdhën brenda pesë minutave me anë të Harry Maguire (46’), i cili shënoi me kokë për 2-0, ndërsa Kane (50’) shënoi për 3-0, ku në të dy rastet asistues ishte mbrojtësi Luke Shaw.

Heads up: the #ThreeLions are three goals up! pic.twitter.com/qOnjeambGS

— England (@England) July 3, 2021

Anglia nuk i ndali rastet dhe sulmet me këto dy gola, pasi vazhdoi të krijoi derisa gjeti edhe golin e katërt.

Ishte mesfushori i inkuadruar në pjesën e dytë, Jordan Henderson (63’), i cili shënoi me kokë për 4-0 pas asistimit të Mason Mount.

🎶 Que sera, sera… 🎶

We're in the #EURO2020 semi-finals – and we're going (back) to @wembleystadium! pic.twitter.com/fSXJ5vBJBe

— England (@England) July 3, 2021

Deri në fund të ndeshjes, Southgate bëri shumë ndryshime duke mos rrezikuar titullarët, ndërsa edhe pse rastet nuk munguan, rrjetat nuk u tunden më dhe Anglia fitoi me rezultat 4-0.

Pas kësaj fitore, Anglia siguron kalimin në gjysmëfinalen e Euro 2020, ku do të përballet me Danimarkën, e cila mposhti 2-1 Çekinë. /Telegrafi/