Nuk kishte konflikt vetëm pas ndeshjes, zbulohen shumë zënka te Franca në ‘Euro 2020’

Humbja e Francës nga Zvicra në EURO 2020, me ‘Les Blues’ që shpërdoruan dy gola para se të rrëzoheshin nga penalltitë.

Pas eliminimit të tyre nga turneu, kishte raportime në lidhje me një grindje që ndezi midis nënës së Adrien Rabiot dhe familjeve të Paul Pogba dhe Kylian Mbappe, por duket se kishte më shumë incidente të pakëndshme gjatë turneut.

Siç raporton L’Equipe, kishte një mungesë uniteti në ekipin kombëtar francez, me incidentin e parë që ndodhi pas një miqësore kundër Bullgarisë, kur Olivier Giroud fajësoi Mbappe për mos pasim të topit tek ai.

Edhe pse Giroud sqaroi se vërejtjet e tij nuk ishin të drejtuara për sulmuesin e PSG, Mbappe dukej se ishte i irrituar dhe sipas mediave franceze, veteranë të tillë si Steve Mandanda, Hugo Lloris dhe Moussa Sissoko ishin të mërzitur dhe të lodhur nga qëndrimi i lojtari të ri.

Lëndimi i Dembele dhe ofendimet në fushë

Ousmane Dembele u detyrua të kthehej te Barcelona pasi mori një dëmtim, i cili i dha një goditje të madhe moralit të ekipit.

Siç zbuloi ‘France Football News’, Rabiot dhe Pogba fyen njëri-tjetrin gjatë lojës kundër Zvicrës, sepse mesfushori i Juventusit ishte i pakënaqur aspektin mbrojtës të shokut të tij të skuadrës.

Ndërkohë, u zbulua gjithashtu se Raphael Varane qortoi Benjamin Pavard për paraqitjen e dobët të tij kundër Zvicrës, ndërsa mbrojtësi i djathtë i Bayern Munchen u ankua se Pogba nuk dha kontribut në mbrojtje.

Frustrimi me hotelin e ekipit

Ndërsa disa ekipe si Anglia, Italia ose Spanja kanë shijuar disa ndeshje në vendet e tyre, Franca nuk e kishte atë luks pasi luante ndeshjet në Mynih, Budapest dhe Bukuresht.

Disa anëtarë të skuadrës ishin veçanërisht të pakënaqur me hotelin në të cilin ata qëndruan në Hungari, me Paul Pogba që kërkoi një lëvizje në një hotel me pamje nga një liqen, 50 kilometra larg Budapestit.

Sipas L’Equipe, lojtarët e Francës ndiheshin të ‘kufizuar’ në Hotel Marriott në Budapest, pasi  dritaret e dhomave të tyre nuk mund të hapeshin.

Ndërkohë, lojtarët u mërzitën gjithashtu nga fakti që Federata Franceze e Futbollit refuzoi t’i lejojë ata të kalojnë kohë me familjet e tyre për shkak të kufizimeve të COVID-19. /Telegrafi/