Me shpresën se do e fuste topin në rrjetë – tifozët e Gjermanisë me reagim dëshpërues për shansin e shpërdoruar nga Muller ndaj Anglisë

Tifozët e Anglisë do të kujtojnë për një kohë të gjatë golat e Raheem Sterling dhe Harry Kanes ndaj Gjermanisë në Euro 2020.

Tre Luanët i eliminuan gjermanët në 1/8 e finales së Kampionatit Evropian me rezultat 2-0, duke kaluar kështu në çerekfinale.

Por, përkrahësit e Die Manschaft nuk do të kujtojnë me dëshirë huqjen e Thomas Muller që do mund të ndryshonte rrjedhën e ndeshjes.

Goli i parë për anglezët u shënua nga anëtari i Manchester Cityt në minutën e 75-të, nga një asistim i Luke Shaw.

Por, Gjermania kishte shansin që t’i barazonte shifrat pas vetëm shtatë minutash që ishin në disavantazh.

Një pasim maestral nga Kai Havertz e vendosi Mullerin përballë me Jordan Pickordin, por goditja e sulmuesi ishte e pasaktë, duke e dërguar topin afër shtyllës së majtë.

Ai moment acaroi jashtë mase tifozët e Gjermanisë që fillimisht e kishin ndjenjën se anëtari i Bayern Munichut do të përfundonte atë aksion me gol.

Horrendous miss from Muller.
Reminder he replaced Timo
#ENGGER #EURO2020 pic.twitter.com/g2vH3BzTql

— Cam O'Dailgh 🇬🇧🇯🇲 (@camboxmma) June 29, 2021

Reagimi i tyre është xhiruar nga afër dhe nuk kishte se si mos t’i pushtonte rrjetet sociale.

Situata u rëndua për gjermanët kur Harry Kane (86′) pranoi një asistim nga Jack Grealish, për të shënuar 2-0 dhe anglezët kaluan në çerekfinale./Telegrafi/

Germany fans react to Thomas Muller's miss at 1-0… 👀😂 pic.twitter.com/0N0FSwgOud

— SPORTbible (@sportbible) June 30, 2021