Nëse kapni shokun tuaj të vjetër të kolegjit duke shpërndarë informacionin e gabuar rreth vaksinës kundër COVID-19 në Facebook, shanset janë që këto gënjeshtra të vijnë nga një prej dymbëdhjetë personave.
Është e vërtetë! Vetëm dymbëdhjetë individë.
Një raport i ri nga Qendra për Luftimin e Urrejtjes Dixhitale dhe Anti-Vax Watch zbuloi se deri në 65 për qind e “përmbajtjes anti-vaksinë” në Facebook dhe Twitter buronte nga dymbëdhjetë ndikues brenda lëvizjes “anti-vaxxer”.
Siç shkruajnë mediat e huaja, përcjell Telegrafi, raporti u përqendrua në këto dymbëdhjetë llogari pas një analize të përmbajtjes që u nda dhe postua në Facebook dhe Twitter 812,000 herë – midis 1 shkurtit dhe 16 marsit.
Vetëm në Facebook, përmbajtja nga këta individë, të cilën raportet e quajnë si “Dymbëdhjetëshja e Dezinformimit”, përbën 73 për qind të të gjithë përmbajtjes “anti-vaxxer” të postuar ose shpërndarë në platformë në dy muajt e fundit.
Ndikuesi më i madh “anti-vaxxer” në mediat sociale, sipas raportit, është Joseph Mercola.
Mercola është një promovues i mjekësisë alternative i cili drejton një biznes multimilion dollarësh në shitje të trajtimeve dhe shtesave dietike.
Kohët e fundit Administrata e Ushqimit dhe Barnave e SHBA-së, i ka dërguar Mercola një paralajmërim për trajtimet e tij false për COVID-19.
Një tjetër fajtor kryesor është Robert F. Kennedy, Jr. Kennedy, nipi i John F. Kennedy, është ndoshta një nga ndikuesit më të profilit të lartë në komunitetin “anti-vaxxer”.
Muajin e kaluar, Instagram e ndaloi atë nga platforma për shkeljen e politikës së dezinformimit rreth vaksinës kundër coronavirusit.
Përdoruesit e tjerë të mediave sociale në “Dymbëdhjetëshja e Dezinformimit” përfshijnë Ty dhe Charlene Bollinger, Sherri Tenpenny, Rizza Islam, Rashid Buttar, Erin Elizabeth, Sayer Ji, Kelly Brogan, Christiane Northrup, Ben Tapper, si dhe Kevin Jenkins.
Ndërsa Facebook dhe Twitter janë zotuar të dy për të ndaluar përmbajtjen anti-vaksinë dhe përdoruesit që përhapin dezinformim rreth vaksinave, shumica e këtyre dymbëdhjetë përdoruesve kanë llogari aktive në Facebook, Twitter dhe Instagram.
Sipas raportit, të gjithë ata kanë një llogari aktive në të paktën një nga këto platforma.
Ndryshe, dezinformimi shëndetësor ishte një problem i madh në vitin 2020 mes pandemisë së vazhdueshme COVID-19.
Sipas Qendrës për Luftimin e Urrejtjes Dixhitale, më shumë se 59 milionë njerëz “u arritën” në platformat e mediave sociale në fund të vitit të kaluar nga 425 llogari “anti-vaxxer” të cilat organizata ndjek.
Dhe, ndërsa pandemia vazhdon, problemi nuk është zhdukur.
Në fakt, ndërsa vaksinat e coronavirusit kanë filluar të përhapen gjatë këtyre muajve të fundit, përmbajtja anti-vaksinuese ka vazhduar të rritet.
Për shembull, një raport i fundit nga Media Matters For America zbuloi se përtej 12 ndikuesve kryesorë të përmendur në këtë artikull, “mikro-ndikuesit” po kalojnë “një moment të mirë” në Instagram.
Llogaritë më të vogla që shtyjnë dezinformimin po rriten, duke shkelur politikat e dezinformimit të vaksinave të Instagram dhe duke vepruar pa u zbuluar në platformë. /Telegrafi/
Lufta Prigozhin - Putin
Më shumëNjë nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Mallkimi i Faraonit: Mitet dhe realiteti i varreve egjiptiane
Ukrainasit sërish sulmojnë me dron një rafineri nafte në Rusi
Blinken në Tel Aviv: Hamasi duhet të pranojë propozimin për armëpushim
Njeriu më i shkurtër në botë është më i vogël se një shalqi: Hyri në librin Guinness, por jetën nuk e ka aspak të lehtë
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit