Presidenti i Shteteve të Bashkuara, Joe Biden, nënshkroi një mori urdhrash ekzekutivë, derisa shpalosi një strategji kombëtare kundër pandemisë së tërbuar të coronavirusit.
Dhjetë urdhrat, mes tjerash, synojnë t’i japin hov programit të vaksinimit, të zgjerojnë testimin dhe veshjen e maskave, si dhe të rrisin mbledhjen dhe analizimin e të dhënave, që do të ndihmonin në krijimin e politikave.
Udhëtarët nga jashtë do të duhet të kenë test negativ kundër coronavirusit dhe të futen në karantinë pas mbërritjes në SHBA.
Biden po ashtu i udhëzoi agjencitë të përdorin Aktin e Prodhimit të Mbrojtjes – një kompetencë kjo e kohës së luftës, që e lejon qeverinë të udhëzojë industrinë për të prodhuar furnizime të nevojshme në kohë të emergjencës kombëtare.
“Kjo është një ndërmarrje e kohës së luftës”, tha Biden derisa nënshkroi urdhrat në Shtëpinë e Bardhë.
“Plani ynë nis me një fushatë agresive, të sigurt dhe efektive të vaksinimit, që synon përmbushjen e qëllimit tonë për administrimin e 100 milionë dozave në 100 ditët tona të para në zyrë”, tha Biden.
Biden e ka bërë luftën kundër coronavirusit prioritetin e tij kryesor. Ndryshe nga paraardhësi i tij, Donald Trump, Biden planifikon të ketë strategji kombëtare, me përfshirje më të madhe të qeverisë federale, dhe jo t’ua lë shteteve veç e veç të vendosin se çfarë është më mirë.
Biden i zvogëloi pritjet, duke thënë se situata ka të ngjarë të përkeqësohet përpara se të përmirësohet. Ai tha se numri i viktimave në SHBA mund të kalojë 500,000 muajin e ardhshëm. Këtë javë kaloi mbi 400,000.
Biden tha se më shumë amerikanë kanë vdekur tashmë në pandemi, sesa gjatë gjithë Luftës së Dytë Botërore.
Edhe pse Qeveria amerikane, deri më tani, ka dërguar rreth 38 milionë doza të dy vaksinave të miratuara në shtete, vetëm 17.5 milionë prej tyre janë dhënë, kanë bërë të ditur Qendrat për Kontrollin dhe Parandalimin e Sëmundjeve.
Biden po ashtu premtoi se do të jetë transparent dhe se do t’i lejojë shkencëtarët të punojnë të lirë nga ndërhyrjet politike.
“Jam i bindur se populli amerikan është i gatshëm të mos kursejë asnjë përpjekje për ta kryer këtë. Ne mund ta bëjmë këtë nëse jemi bashkë”, tha Biden.
Më vonë, këshilltari kryesor mjekësor, Anthony Fauci, foli për shpërndarjen e vaksinave dhe tha se administrata Biden po e “përforcon” programin.
Nëse, siç shpresohet, 70-85% e popullsisë vaksinohet deri në fund të verës, ne do të kemi “një shkallë normaliteti” deri në vjeshtë, tha Fauci.
Ai tha se shqetësimi i tij kryesor është t’i bindë njerëzit që janë skeptikë rreth vaksinës, për ta marrë atë.
Fauci shtoi se administrata është në bisedime me prodhuesit, për të prodhuar më shumë vaksina.
Fauci, i cili ka shërbyer edhe nën Trumpin, mirëpriti qëndrimin e administratës së re ndaj shkencës.
“Ideja që mund të vini këtu dhe të flisni për atë që dini dhe cilat janë provat, çfarë është shkenca… është një ndjenjë çliruese”, tha dr Fauci.
Administrata Trump është kritikuar për mungesë strategjie në nivel federal.
Shtetet e Bashkuara janë vendi më i prekur në botë nga coronavirusi, me mbi 24.6 milionë të infektuar dhe mbi 410,000 viktima.
Promo
Reklamo këtuLufta Prigozhin - Putin
Më shumëNga Rubrika
Lufta në Ukrainë nuk duket se do të përfundojë së shpejti – paralajmëron shefja e inteligjencës kombëtare amerikane
Biden për demonstratat pro-palestineze në SHBA: Nuk do t’i ndryshojnë politikat e SHBA-së në Lindjen e Mesme
Ndërpriten mijëra fluturime – Rusia akuzohet se po ndërhyn në sistemet e navigimit të aeroplanëve në Evropë
Zelensky tregon se kush janë ftuar në samitin e paqes në Zvicër
Ndërpriten mijëra fluturime - Rusia akuzohet se po ndërhyn në sistemet e navigimit të aeroplanëve në Evropë
Macron tregon se në çfarë rrethana do të dërgonte trupa në Ukrainë
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
I ndodhë sërish Aleksandar Vulinit, filmohet në Kuvendin e Serbisë duke “folur dhe grindur me veten”
Pamje nga ajri që tregojnë se çfarë ka mbetur nga qyteti ukrainas Chasiv Yar
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit