Gjykata Themelore në Gjakovë, të hënën, pas rigjykimit sërish e ka shpallur fajtor ish-shefin e Shërbimeve Publike në Malishevë, Ismet Mazreku, i cili tani pasi që është rikualifikuar vepra penale po akuzohet për falsifikim të dokumentit zyrtar.Sipas aktgjykimit të shpallur nga kryetari i trupit gjykues, gjykatësi Nikollë Komani, i akuzuari Mazreku fillimisht është dënuar me gjashtë muaj burgim, raporton “Betimi për Drejtësi”.
Mirëpo, me pëlqimin e mbrojtësit të të akuzuarit, avokatit Emrush Kastrati, dënimi me burgim i është zëvendësuar në dënim me gjobë në shumën prej 3,400 euro.Sipas gjykatësit Komani, i akuzuari Mazreku është obliguar që të dëmtuarës, përkatësisht Komunës së Malishevës t’ia kompensojë edhe dëmin e shkaktuar në shumën prej 8,728.90 euro.Ai i njoftoi palët se kundër këtij aktgjykimi kanë të drejtë ankese në Gjykatën e Apelit brenda afatit ligjor.
Ndryshe, i akuzuari Mazreku fillimisht akuzohej për veprën penale të keqpërdorimit të detyrës zyrtare, mirëpo në fund të rigjykimit prokurori Ramiz Buzhala e ka bërë rikualifikimin e veprën penale në atë të falsifikimit të dokumentit zyrtar.Për veprën penale të keqpërdorimit të detyrës zyrtare, Gjykata Themelore në Gjakovë, më 20 janar të këtij viti, e kishte dënuar Mazrekun me gjashtë muaj burgim, i cili më pas me pëlqimin e të akuzuarit ishte zëvendësuar në dënim me gjobë, në shumën prej 3,400 euro, dënim të cilin më pas e kishte vërtetuar edhe Gjykata e Apelit.
Mirëpo, Gjykata Supreme e Kosovës, më 20 korrik të këtij viti i ka anuluar aktgjykimet e themelores dhe apelit, duke e kthyer kështu rastin në rivendosje në shkallën e parë.Gjykata Supreme duke vepruar sipas kërkesës për mbrojtje të ligjshmërisë të parashtruar nga avokati Emrush Kastrati, i ka anuluar aktgjykimet e themelores dhe apelit, dhe e ka kthyer rastin në rivendosje në shkallë të parë.Supremja ka gjetur se aktgjykimi i themelores është në kundërshtim me dispozitivin e aktgjykimit, arsyetimi i aktgjykimit është në kundërshtim me përmbajtjen e kontratës së prokurimit, arsyetimi i aktgjykimit është në kundërshtim me dispozitivin, dhe se dispozitivi i aktgjykimit është i pakuptueshëm.
“Nga të gjitha këto rezulton se edhe pretendimi në kërkesën për mbrojtje të ligjshmërisë për atë se nuk është vërtetuar në mënyrë ligjore dashja e të dënuarit për kryerjen e veprës penale dhe se në dëm të tij është bërë shkelje e ligjit penal, për tani është i bazuar”, thuhet ndër të tjera në arsyetim të Supremes.Ndryshe, sipas aktakuzës së pandryshuar, e ngritur më 13 mars 2019, nga Prokuroria Themelore në Gjakovë, Ismet Mazreku fillimisht akuzohetj se në cilësinë e personit zyrtar, shef i Shërbimeve Publike në Komunën e Malishevës, duke shfrytëzuar detyrën apo autoritetin zyrtar i tejkalon kompetencat e tij me qëllim të përfitimit të kundërligjshme të dobisë pasurore për vete apo tjetrin.
Në aktakuzë thuhet se në kundërshtim me Ligjin për Prokurimin Publik, me rastin e inicimit të “kërkesës për furnizim me kabllo elektrike” për nevojat e fshatit Gajrak të Komunës së Malishevës, dhe menaxhimit të kontratës së prokurimit, në vlerë prej 8.728.90 euro, nga kompania N.T.SH “Leoni” me seli në Malishevë, të cilën edhe pse e ka pranuar, duke konfirmuar në bazë të raportit të 27 tetorit 2015, nuk vërtetohet se e njëjta është investuar në fshatin Gajrak te Komunës së Malishevës.Më këtë, akuzohet se ka kryer veprën penale “keqpërdorim i detyrës zyrtare” nga neni 422 par.2 pika 2.1 lidhur me par.1 të KPRK-së.
Promo
Reklamo këtuLufta Prigozhin - Putin
Më shumëNga Rubrika
Deri të mërkurën reshje shiu, nga e enjtja nis përmirësimi i motit në Maqedoninë e Veriut
Dosja e SPAK: Ndoka i thotë Ervis Martinajt se ka gjetur një grup vrasësish me pagesë nga Kosova
Dërgohen në mbajtje dy të dyshuar për hedhje të granatës në Prishtinë muajin e kaluar
Policia dhe ATK me aksion në veri, mbyllin gjashtë njësi të ashtuquajturës "Banka Postare Kursimore"
Rikthehet industria ushtarake, Shqipëria do të prodhojë armë
Policia në kërkim të një burri dhe një gruaje nga Prizreni - dyshohen për veprën penale “Shpërdorim i pasurisë së huaj ”
Uji depërtoi në shtëpitë e tyre - banorët e lagjes "Prishtina e Re" tregojnë për pasojat pas reshjeve të shiut
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
Zyrtarja tjetër e DASH-it në Kosovë, Hovenier: Në fokus çështjet kritike për marrëdhëniet tona
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit