Morata ndodhet në Torino, në pritje të zyrtarizimit te Juventusi

Alvaro Morata ka arritur në Torino të hënën mbrëma, ku gjatë ditës së sotme (e martë) do t’u nënshtrohet ekzaminimeve mjekësore te Juventusi.

Pas testeve të zakonshme mjekësore, sulmuesi i Atletico Madridit do të huazohet për 10 milionë euro, me opsionin e blerjes për 45 milionë euro.

27-vjeçari ka arritur në Caselle Airport rreth mesnatës së mbrëmshme, ku ishte pritur nga gazetarët dhe disa tifozë.

🛬 @AlvaroMorata is 🔙 in town! 🛬#FinoAllaFine #ForzaJuve pic.twitter.com/LHvCZXUkKy

— JuventusFC (@juventusfc) September 21, 2020

Është një rikthim i spanjollit te Zonja e Vjetër, ku ka luajtur gjatë viteve 2014-2016, si i huazuar nga Real Madridi.

Lexo po ashtu Kalimi i Suarezit te Atletico i mundëson Moratas rikthimin te Juventusi

Sipas Sky Sport Italia, Juventusi e ka edhe një klauzolë për zgjatjen e huazimit edhe për një vit tjetër (për 10 milionë euro të tjera), në rast se nuk vendos ta blejë në qershor të vitit 2021 – ashtu që klubi italian do të mund ta blinte në vitin 2022 për 35 milionë euro.

Atletico Madridi është duke e liruar Moratan, sepse ka marrëveshje për transferimin e Luis Suarezit nga Barcelona.

Edin Dzeko ishte opsioni i parë i Zonjës së Vjetër, mirëpo Roma nuk e lejon largimin e tij pa arritur marrëveshje për Arkadiusz Milikun e Napolit, ashtu që Juve ka vazhduar me planin B. /Telegrafi/

Morata is back 🇪🇸⚫⚪#Juve #Juventus pic.twitter.com/w8PORnsihm

— Lorenzo Bettoni (@LoreBetto) September 21, 2020