Momentet e Christian Pulisic ndaj Liverpoolit e dëshmoi atë se pse amerikani po konsiderohet si Eden Hazard i ri në klubin londinez

Christian Pulisic është në rrugë të mirë që të bëhet futbollisti i jashtëzakonshëm, ndërsa Frank Lampard e krahason atë me Eden Hazardin.

Chelsea e bleu për afër 65 milionë euro nga Borussia Dortmund dhe fillimisht u mendua se klubi kishte gabuar me investimin dhe shumë kush kishte dyshime.

Në sezonin e tij të parë të plotë në futbollin anglez, Pulisiç ka 10 gola dhe 10 asistime në 32 ndeshje.

Mbrëmë kundër Liverpoolit, amerikani dha një nga shfaqjet më të mira të tij prej së është pjesë e Ligës Premier.

Frank Lampard e futi Pulisicin në lojë nga bankina në minutën e 59-të dhe brenda 14 minutave ai dha një asistim dhe shënoi një gol.

Christian Pulisic Vs Liverpoolpic.twitter.com/KfGRM29umr

— BNS Comps (@BnsComps) July 22, 2020

Chelsea humbi ndeshjen me rezultat 5-3, por Pulisic i kujtoi botës se ai tashmë është lojtari kryesor i Bluve dhe trashëgimtari i fronit të Eden Hazard.

Edhe Jurgen Klopp u pa duke buzëqeshur kur Pulisic shënoi për 4-3.

Lampard kishte deklaruar se amerikani po e ka ndikimin e njëjtë që Hazard e kishte më parë në këtë skuadër.

Chelsea sezonin e ardhshëm pritet të jetë edhe më i fortë me Timo Werner dhe Hakim Ziyech, ndërsa pritet edhe ardhja e Kai Havertz. /Telegrafi/