Barcelona kërkon mbrojtës, katër nga Serie A janë në listën e katalunasve

Barcelona është duke kërkuar ta përforcojë repartin defensivë gjatë afatit kalimtar veror.

Kampioni në fuqi i Spanjës ka kthyer sytë ka kampionati italian Serie A duke kërkuar mbrojtës.

Në listën e katalunasve janë katër mbrojtës që aktualisht luajnë në kampionatin italian, tre të Juventusit dhe një tjetër i Interit.

Vlera e katër mbrojtësve dallon shumë, pasi Milan Skriniar dhe Matthijs De Ligt janë më të shtrenjtit që vlerësohen rreth 70 milionë.

Për të arritur te njëri nga ta, Barcelona duhet të sakrifikojë mesfushorin brazilian Arthur, i cili pëlqehet nga dy skuadrat italiane Juventus dhe Inter.

Emri tjetër në listën e Barcelonës është mbrojtësi anësor i Juventusit, Mattia De Sciglio, ndërsa vlera e tij nuk është më e madhe se 12 milionë euro.

Sipas Mundo Deportivos në listën e kataluansve ndodhet edhe Daniele Rugani, edhe pse mbetet i fundit në listë nga katër emrat sa po i monitorojnë Barcelona.

Gjithsesi objektivi kryesor i Barcelonës është të arrihet njëri nga De Ligt – Skriniar, pasi në atë mënyrë do të forcohej dukshëm reparti defensivë.

Përveç Arthur Melos, për të arritur tek njëri apo dy mbrojtësit e kërkuar, Barcelona është gati të sakrifikojë edhe dy mbrojtësit e tyre Samuel Umtiti dhe Nelson Semedo. /Telegrafi/