Paraqitja me shumë klas e Zidanet ndaj Spanjës në Euro 2000 nuk harrohet asnjëherë

Franca aktualisht është skuadra më e mirë ndërkombëtare në planet.

Ekipi i Didier Deschamps u kurorëzua kampion i botës në vitin 2018 dhe do të jenë padyshim favoritët e mëdhenj për të fituar evropianin në Euro 2021.

Njëzet vjet më parë, Les Bleus ishin gjithashtu kombëtarja më e mirë në botë dhe ata arritën në Euro 2000 pasi fituan Kupën e Parë të Botës në vitin 1998.

Ai ekip ishte thjesht i mbushur me legjenda. Deschamps, Robert Pires, Thierry Henry, Laurent Blanc, Marcel Desailly, Emmanuel Petit ishin vetëm disa nga emrat.

Por, njeriu kryesor padyshim se ishte Zidane, lojtari më i madh në Francë dhe një nga më të mirët që ka mbathur këpucë të futbollit. Në vitin 2000, legjenda e Juventusit dhe Real Madridit po luante futboll nga një planet tjetër.

Zidane ishte elektrik dhe sensacional gjatë gjithë turneut, por ishte performanca e tij kundër Spanjës në çerekfinale që nuk do të harrohet kurrë.

Zinedine Zidane’s performance vs Spain at Euro 2000 was unreal 🔥

What. A. Baller. 🙌pic.twitter.com/OEyzriagDI

— GiveMeSport Football (@GMS__Football) March 31, 2020

Në një video të postuar nga faqet e njohura të sportiv ndërkombëtar, shihen pikat kryesore të Zizou nga ajo ndeshje, e cila u fitua nga Franca 2-1 falë golave ​​nga Zidane dhe Youri Djorkaeff.

Goli i shënuar nga legjenda Zidane erdhi nga goditja e dënimit, e cila edhe nëse shikohet mbi 10 herë nuk ngopesh.

Ai i kishte të gjitha që i nevojiten një mesfushori-sulmues. Yjet e mëdha të Spanjës – përfshirë Pep Guardiolan – thjesht nuk mund të afroheshin atij, prekja e tij e parë ishte thjeshtë fantastike.

Me kalimin e viteve, disa nga emrat më të mëdhenj të futbollit si David Beckham dhe Ronaldinho kanë zgjedhur fjalët më të mëdha për trajnerin e Real Madridit.

“Të stërvitesh me Zidane për tre vjet ishte një ëndërr. Për mua, ai është lojtari më i madh i të gjitha kohërave”, kishte thënë Beckham.

“Zidane është njëri nga futbollistët më të mirë të të gjitha kohërave, një nga idhujt e mi. Ai kishte një elegancë të madhe, një prekje të mrekullueshme dhe vizion të shkëlqyeshëm”, thoshte Ronaldinho.

Është e rrallë që një lojtar është aq shumë i dashur në botë, por Zidane ishte një futbollist që vjen një herë në 100 vjet dhe ne nuk kemi parë një lojtar ashtu si ai që kur u pensionua në vitin 2006. /Telegrafi/