Me 82 vota pro dhe 32 kundër, deputetët e Kuvendit të Kosovës të mërkurën votuan rrëzimin e Qeverisë së Kosovës të udhëhequr nga Albin Kurti.
Pavarësisht këtij rezultati, Qeveria Kurti do të vazhdojë të jetë Qeveri në detyrë për aq kohë sa nuk formohet Qeveria e re.
E, sipas Kushtetutës së Kosovës neni 95 pika 5 për zgjedhjen e qeverisë, thuhet se “Nëse Kryeministri jep dorëheqjen ose për arsye të tjera, posti i tij/saj mbetet i lirë, Qeveria bie, dhe Presidenti i Republikës së Kosovës, në konsultim me partitë politike ose koalicionin që ka fituar shumicën në Kuvend, mandaton kandidatin e ri, për të formuar Qeverinë”.
Si rrjedhojë e kësaj, presidenti Hashim Thaçi duhet të kërkojë mandatarin nga Lëvizja Vetëvendosje, si fituese e zgjedhjeve.
Kështu ka deklaruar edhe Eugen Cakolli nga Instituti Demokratik i Kosovës (KDI).
Cakolli ka thënë për Telegrafin se pas votimit të suksesshëm të mocionit të mosbesimit ndaj Qeverisë së udhëhequr nga Kurti, sipas dispozitave kushtetuese dhe aktgjykimit të vitit 2014, vendi ndodhet para dy skenarëve, formimi i një Qeverie të re ose shkuarja në zgjedhje. Vlen të përmendet se në që të dy këto opsione, Lëvizja Vetëvendosje ka rol të madh, veçanërisht në opsionin e një Qeverie të re.
“Tashmë, Presidenti është i obliguar që të konsultohet me Lëvizjen Vetëvendosje, si subjekti fitues i zgjedhjeve, dhe nga ky subjekt të kërkojë një mandatar të ri për kryeministër. Problem mbetet fakti që nuk ka asnjë dispozitë ligjore që precizon afat kohor brenda së cilit duhet t’i kthehet përgjigje Presidentit lidhur me kandidatin për kryeministër. Por, pas mandatimit eventual të një kandidati, i njëjti duhet që brenda 15 dite t’ia paraqesë Kuvendit përbërjen e kabinetit, dhe të sigurojë minimalisht 61 vota”, ka thënë Cakolli.
Ai ka shtuar se nëse nuk sigurohet ky numër i votave, atëherë Presidenti duhet që brenda 10 dite të propozojë një kandidat tjetër.
“Në këtë fazë, Presidenti nuk ka më vetëm rol formal të propozimit, por përmes diskreconit të tij është përcaktues i kritereve mbizotëruese që do të përdoren për propozimin e një kandidati të ri nga subjektet politike, duke mos përjashtuar këtu sërish Lëvizjen Vetëvendosje”, u shpreh ai.
I pyetur se ka mundësi të krijimit të një Qeverie teknike, Cakolli theksoi se, qeveria teknike, e unitetit apo shpëtimit kombëtar, siç po përmenden në publik, mbeten opsione, të paktën bazuar në deklarimet e disa prej partive politike.
Megjithatë, sipas tij Kosova veçse i ka kaluar periudhat kur vendit i janë dashur qeveri të një natyre të tillë, qysh para shpalljes së pavarësisë.
“Në anën tjetër, duke qenë se dialogu Kosovë-Serbi do të jetë një nga proceset kryesore me të cilat do të ballafaqohen edhe institucionet e reja eventuale, është e domosdoshme që Qeveria të ketë legjitimitet të plotë qytetar e politik”, u shpreh Cakolli.
Sa i përket shkuarjes në zgjedhje të parakohshme, Cakolli vlerëson se ky është paraprakisht një opsion i pamundur tani për tani, për shkak të situatës me coronavirusin, duke thekuar se dhe spektrit politik nuk ka vullnet për shkuarje në zgjedhje deri në tejkalimin e kësaj situate.
Ndryshe presidenti, Hashim Thaçi ka bërë të ditur se të hënën do të fillojë konsultimet me partitë politike, për të marrë opinionet e tyre në lidhje me formimin e Qeverisë së re. Ai tha se do të mundohen që në këtë gjendje në të cilën gjendet Kosova të evitojnë shpërbërjen e Kuvendit. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ditët e fundit të fushatës për zgjedhjet kuvendare, partitë kërkojnë mbështetje nga votuesit
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Një vit nga deklarata për të zhdukurit, zbatimi i saj ende larg
Parlamenti britanik miratoi mocionin e Alicia Kearns për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Kastrati vendos "delen" mbi foltore, i drejtohet Qeverisë: Populli nuk është dele, krejt jeni hajna
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Gjendet i vdekur një person në Doblibarë të Gjakovës
Mashtrime me vlerë 10 milionë euro, SPAK operacion kundër Call Center
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit