Prishet koalicioni LVV-LDK në Prizren

Kryetari i Prizrenit, Mytaher Haskuka ka bërë të ditur se koalicioni mes Lëvizjes Vetëvendosje dhe Lidhjes Demokratike të Kosovës në Prizren tashmë është i pakuptimtë.

Kjo pasi LDK-ja nuk ka marrë pjesë në votimin e sotëm për kryesues të asamblesë komunale, meqë rast koalicioni LVV-LDK e ka humbur mundësinë për ta udhëhequr asamblenë.

Haskuka tha se asambleja komunale ka qenë arsyeja për të cilën kanë hyrë në koalicion, prandaj edhe nuk ka kuptim që koalicioni të vazhdoj tutje.

Së pari uroj që u kry më në fund procesi i zgjedhjes së asamblesë komunale, sepse më shumë se dy muaj janë duke u pritur më shumë se 20 vendime që do të duhej të votoheshin në asamblenë komunale. Po më vjen keq që LDK-ja nuk ka qenë prezentë në votim, dhe ne si koalicion e kemi humbur kryesuesin e asamblesë komunale. Arsyeja që kemi qenë në koalicion ka qenë asambleja komunale, për të kaluar vendimet më lehtë dhe për të pasur një bashkëpunim më të lehtë ndërmjet qeverisjes ekzekutive dhe legjislative në komunë. Me këtë humbje koalicioni jonë nuk ka kuptim, prandaj do të vazhdojmë vetëm në këtë aspekt”, tha Haskuka në konferencë për medie. /Telegrafi/