Festa e ndërrimit të motmoteve këtë vit ka qenë më e qetë dhe më me pak persona të lënduar nga përdorimi i mjeteve piroteknike.
Në 12 orët e fundit në Qendrën Emergjente të QKUK-së kanë kërkuar ndihmë 166 persona prej tyre 6 të lënduar nga përdorimi jo adekuat i mjeteve piroteknike, një nga plumbi qorr, dhe rastet e tjera kryesisht kanë qenë probleme shëndetësore.
Naser Syla, shefi i ndërrimit në këtë klinikë, thotë për KosovaPress se në këto festime për Vit të Ri ka më pak persona që kanë kërkuar ndihmë mjekësore për lëndimet e marra nga fishekzjarrët apo edhe armët e zjarrit.
Prej këtyre rasteve 5 janë liruar për trajtim në shtëpi pas marrjes së shërbimeve të duhura, ndërsa një person vazhdon të qëndrojë në Klinikën e Oftalmologjisë i cili për shkak të përdorimit jo të duhur të mjeteve piroteknike ka lënduar pjesën e syrit dhe është në rrezik për të humbur shikimin.
Në QKUK ka kërkuar ndihmë edhe një person i cili është plagosur lehtë në këmbë nga një plumb në ajër i cili sipas Sylës pas marrjes së trajtimit mjekësor është liruar.
“Gjatë 12 orëve të fundit kanë kërkuar ndihmë 166 pacientë, prej tyre kanë qenë 10 ndeshje komunikacioni dhe kanë qenë 6 raste të lënduar me mjete piroteknike, njëri prej tyre ka qenë me armë zjarri domethënë me plumb qorr. Prej këtyre gjashtëve një është pranuar në Klinikën e Oftalmologjisë në gjendje e rëndë, kurse të tjerët kanë marrë trajtimin adekuat dhe janë dërguar në shtëpi për trajtimin e mëtutjeshëm. Rastet që kanë qenë këtu kanë qenë të lëndimeve të ndryshme me probleme abdominale, me probleme të ndryshme, mirëpo sa i përket lëndimeve që na kanë përcjell viteve të fundit më së tepërmi me mjete piroteknike e armë zjarrit në ndërrimin e motmoteve apo festave këtë vit ka qenë numri më i vogël. Ka qenë i lënduar nga mjetet piroteknike rëndë i është rrezikuar të pamurit e syrit”, tha Syla.
Doktori i Qendrës Emergjente në QKU tha se lëndimet kryesisht kanë qenë rreth zonës së duarve dhe syve, derisa moshat kanë qenë të ndryshme
Edhe Policia e Kosovës ka vlerësuar se siguria në vend gjatë natës së 31 dhjetorit 2019 dhe 1 janarit 2020 ka qenë e qetë .
Zëdhënësi i Policisë së Kosovës, Baki Kelani thotë se qytetarët e Kosovës e kanë festuar ardhjen e vitit 2020 në mënyrë më të qetë se sa viteve të kaluara.
Sipas tij, gjatë ndërrimit të motmoteve nuk është evidentuar nga Policia e Kosovës asnjë rast me pasoja fatale, dhe se kryesisht kanë qenë lëndime të lehta trupore si pasojë e përdorimit joadekuat të mjeteve piroteknike, incident zjarri, armëmbajtje pa leje dhe dëmtim prone.
“Vlerësuar nga aspekti i sigurisë ne si Polici e Kosovës vlerësojmë që ky fundvit apo kjo festë e Vitit të Ri ka kaluar më e qetë sesa viteve tjera, fatmirësisht nuk është evidentuar ndonjë rast që të ketë kaluar me pasoja fatale qoftë në aspektin e sigurisë apo në aspektin e trafikut rrugor. Janë evidentuar kryesisht raste të lëndimeve të lehta apo lëndimeve të natyrave të ndryshme nga përdorimi jo adekuat i mjeteve piroteknike, janë evidentuar raste të zjarrit dhe të dëmtim pronës apo edhe disa raste të shkaktimit të përgjithshëm. Mirëpo vlerësuar nga aspekti i numrit të rasteve mund të themi se kemi numër më të vogël të rasteve sesa viteve tjera”, tha Kelani.
Si rast më të veçantë ai e ka përmendur arrestimin e një personi në regjionin e Vushtrrisë nën dyshimin se ka shtënë me armë zjarri pa leje, arma e cila më pas është konfiskuar.
“Mund të themi se ka raste që janë evidentuar në Qendrën e Mjekësive Familjare por edhe në QKUK të cilët kanë kërkuar ndihmë qoftë në raste kur kanë pësuar lëndime nga mjetet piroteknike, por edhe ndonjë rast të caktuar nga plumbat qorr apo nga ajri që mund të kenë ndodhur. Është me rëndësi ta theksojmë një rast në rajonin e Vushtrrisë, ku Policia e Kosovës ka hasur në një person i cili ka përdorë armë zjarri në festime rastin e Vitit të Ri, dhe policia ka intervenuar dhe ka arritur ta arrestojë personin e dyshuar dhe të konfiskojë armën e cila është përdorur”, theksoi ai.
Në Kosovë kujtojmë që në bazë të dhënave të Doganës së Kosovës brenda vitit 2019 janë importuar rreth 100 mijë kilogramë mjete piroteknike me prejardhje kryesisht nga Kina.
Promo
Reklamo këtuLufta Prigozhin - Putin
Më shumëNga Rubrika
Prokuroria Themelore Kavadar nis procedurën për dyshim të pengimit të zyrtarit
Ngjarje e rëndë në Shkodër, nëna bashkë me tre fëmijët rezultojnë të zhdukur – dyshohet se janë mbytur
Spahoviq: Nuk mund të pritet qeveri proevropiane nga Vuçiqi, idetë e Millosheviqit janë ende të gjalla
Rrahet anketuesi i regjistrimit të popullsisë, policia arreston tre të dyshuarit në Pejë
Zbardhet vrasja e çiftit në Dropull, policia: Autori, bashkëfshatar i tyre
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Deputetja Krasniqi: Masat ndaj Kosovës u vendosën për shkak të qeverisë, drejtuesit e saj kanë mbetur të izoluar
Prishtinë, një shtetas i Shqipërisë hyn në dhomën e një hoteli dhe kryen vjedhje
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak