Pioli: Nëse ekipi rritet, gjithçka është e mundur për Milanin

Trajneri i Milanit, Stefano Pioli ka thënë pas fitores kundër SPAL-it se “gjithçka është e mundur nëse kjo skuadër rritet”.

Pioli ka mbetur i kënaqur me fitoren 1-0 të Rossonerëve ndaj SPAL-it dhe pret rritjen e ekipit me vazhdimin e kampionatit.

“Iu kërkova djelmoshave të kenë frymën e duhur, ne u dhamë pak dhe krijuam shanse”, ka thënë fillimisht Pioli pas lojës.

Lexo po ashtu Milani kthehet te fitorja - i falet perlës së Susos

“Është turp që e mbajtëm rezultatin në ekuilibër deri në fund, por të fitosh përmes vuajtjes mund të na bëjë mirë, edhe për ndeshjen kundër Lazios”.

“Suso ka cilësi të shkëlqyeshme, ai mund të bëjë më shumë dhe jam i lumtur që e trajnoj atë, por duhet të mendojmë si ekip. Nuk fitoni ose humbni për shkak të vetëm një lojtari”.

Lexo po ashtu Notat e lojtarëve, Milan 1–0 SPAL: Vlerësimi për Etrit Berishën dhe të tjerët

“SPAL-i e pati të vështirë të mbahej për 90 minuta. Në pjesën e dytë, ata ranë dhe ne luajtëm me më shumë qartësi”.

“Ekipi mund të rritet dhe nëse e bëjnë këtë, gjithçka është e mundur. Ka disa ndeshje të vështira që vijnë, por ne do të duhet t’i përballojmë ato pa frikë”, përfundoi trajneri i Milanit. /Telegrafi/