Goodbye Europe: Liga e Kampionëve dhe Liga e Evropës pa asnjë klub shqiptar që në raundin e dytë të kualifikimeve

Ishin tetë, mbetën asnjë. Ky është fati i klubeve shqiptare në Ligën e Kampionëve dhe atë të Evropës, vetëm në raundin e dytë eliminator të këtyre garave.

Paraqitje të dobëta, shpesh edhe skandaloze shënuan këtë vit, që është për tu harruar sa i përket sukseseve.

Feronikeli, Shkëndija e Tetovës dhe Partizani i Tiranës, si kampion të shteteve përkatëse ishin kualifikuar për në Ligën e Kampionëve.

Prishtina, Shkupi, Teuta, Laçi dhe Kukësi luajtën në Ligën e Evropës.

Liga e Kampionëve

Feronikeli e nisi Ligën e Kampionëve nga raundi paraelimnator, duke fituar në të dyja ndeshjet që u laujtën në stadiumin e Prishtinë, ndaj Lincoln Red Imps (1-0) dhe Santa Coloma (2-1).

Pas kësaj në short doli TNS nga Uellsi, ku në dy ndeshje, pas një trileri të vërtetë klubi ullesian kaloi tutje me rezultat të përgjithshëm 3-2.

Feronikeli pas humbjes kaloi në Ligën e Evropës.

Në këtë raund i nisi garat edhe Shkëndija, një klub me buxhet të madh, më të madhin ndër klubet shqiptare.

Përball tyre ishte Kajlu nga Estonia, një rival i lehtë në letër, por që doli i vështirë dhe vrasës për tetovarët.

Dhe pas dy ndeshjeve rezultati ishte 2-2, por dy golat e pësuar në shtëpi bënë që Shkëndija të eliminohej.

Kundërshtarë më të vështirë kishin Partizani që u takuan me Qarabagun e Azerbajxhanit.

Partizanët u eliminuan me rezultat 2-0, duke kaluar në Ligën e Evropës, njëjtë sikurse Shkëndija dhe Feronikeli.

Debakël në Ligën e Evropës

E nisi Prishtina në paraelimnatore, me klubin modest nga Gjibraltari, St Joseph’s. U prit fitore e lehtë e Prishtinës, por që kryeqytetasit dështuan keq, duke barazuar në shtëpi dhe duke humbur si mysafirë me rezultat 2-0.

Në raundin e parë luajtën Laçi me Hapoel Beer Shevan, ku me rezultat të përgjithshëm 2-1, u eliminuan.

Kukësi kishte punë me Debrecenin, ku me rezultat të përgjithshëm 4-1 u eliminuan nga kjo garë.

Shkupi luajti me Pyunik Yerevan nga Armenia, duke u dorëzuar me rezultat të përgjithshëm 5-4.

Edhe Teuta u përballe me Venpilis nga Letonia, ku pësuan humbje me rezultat të përgjithshëm 3-1.

Feronikeli, Partizani dhe Shkëndija në Ligën e Evropës, u futën në garë nga raundi i dytë, aty ku edhe e mbyllën.

Nikli pësoi nga Slovan Bratislava me rezultat 2-1 dhe 0-2, duke u eliminuar nga Evropa me rezultat të përgjithshëm 4-1.

Shkëndija ishte ajo që zhgënjye më së shumti. Kuqezinjtë pësuan nga klubi i Luksemburgut, Dudelange, me rezultat të përgjithshëm 3-2.

Partizani u dorëzua përballë Sheriff Tiraspolit me rezultat të përgjithshëm 2-1.

Kjo ishte Evropa e klubeve shqiptare, duke u eliminuar shpesh edhe nga autsajder si puna e klubeve nga Gjibraltari, Armenia, Letonia e Luksemburgu. /Telegrafi/