Kosova nuk po merr pjesë në Samitin për Procesin e Bashkëpunimit në Evropën Juglindore (SEECP) që po zhvillohet në Sarajevë, sepse ftesa për Kosovën ishte bërë me fusnotë dhe jo si për të gjitha shtetet e tjera të rajonit.
Pala kosovare e refuzoi ftesën e bërë nga kryesuesi i radhës së Presidencës së Bosnjes e Hercegovinës, Milorad Dodik. Ky i fundit e ftoi Presidentin e Kosovës në Samitin e Sarajevës, por ftesa për Kosovën ishte bërë me fusnotë dhe jo si për të gjitha shtetet e tjera të rajonit. Për këtë arsye Presidenti i Kosovës, Hashim Thaçi, e refuzoi pjesëmarrjen.
“Përkundër vullnetit dhe gatishmërisë për të marrë pjesë në Samitin për Procesin e Bashkëpunimit në Evropën Juglindore (SEECP), ftesa denigruese e kryetarit aktual të kryesisë së Bosnjës dhe Hercegovinës, e bën të pamundur pjesëmarrjen dhe përfaqësimin e Kosovës në këtë takim”, shkroi në reagimin e tij presidenti Thaçi, duke shtuar, se “Kosova gjithmonë ka qenë dhe është e gatshme për marrëdhënie të mira fqinjësore me Bosnje e Hercegovinën dhe për njohje reciproke”.
“Por, fatkeqësisht, ky vullnet i ynë është keqpërdorur në vazhdimësi, njësoj sikurse tani me rastin e organizimit të SEECP-së nga Bosnja e Hercegovina. Minimumi që kërkon Kosova për pjesëmarrje në forume të tilla është trajtimi i barabartë me shtetet e tjera pjesëmarrëse”, thotë Presidenti Thaçi, duke shtuar, se “Sjellja e Bosnjës dhe Hercegovinës është e papranueshme dhe paradoksale, meqënëse përfaqësuesit e saj aplikojnë praktika tërësisht antievropiane, që nuk dallojnë nga ato të Serbisë”.
Samiti për Procesin e Bashkëpunimit në Evropën Juglindore (SEECP), që kësaj radhe po mbahet në Sarajevë mbledh prfaqësuesit nga Bosnja dhe Hercegovina, Serbia, Mali i Zi, Shqipëria, Bullgaria, Greqia, Kroacia, Maqedonia e Veriut, Moldavia, Rumania, Turqia dhe Sllovenia.
Tema kryesore e bisedimeve në këtë Samit, ku po marrin pjesë edhe përfaqësues të Bashkimit Evropian dhe Këshillit për Bashkëpunim Rajonal, janë gjendja e proceseve të integrimit në BE dhe lidhjet në rajonin e Evropës Juglindore dhe më gjerë si parakushte për zhvillim të qendrueshëm.
Pas anulimit të pjesëmarrjes së Kosovës në këtë samit, edhe Shqipëria refuzoi pjesëmarrjen në shenjë solidariteti me Kosovën, njoftoi në Twitter Ministri në Detyrë për Evropën dhe Punët e Jashtme, i Shqipërisë Gent Cakaj.
“Trajtimi i Kosovës nga organizatorët është i papranueshëm. Trajtimi ndaj Kosovës shkon kundër synimit për të krijuar një atmosferë besimi, marrëdhënie të fqinjësisë së mirë dhe stabilitetit”, shkori në Twitter Gent Cakaj.
Por refuzimi dhe mospjesëmarrja e Kosovës në Samitin e Sarajevës nuk i ka bërë shumë përshtypje kryesusit të Presidencës së Bosnjes, Milorad Dodik, i cili nuk ka marrëdhënie të mira me Hashim Thaçin.
“Pakënaqësia e tij dhe ndjenja e tij për këtë çështje mua aspak nuk më intereson. Në formatin e parashikuar për takimet e mëparshme të këtij lloji, Kosova ishte parashikuar me një lloj fusnotë. Pse atij nuk i pëlqen, askush nuk do të qajë dhe nuk do të ndiejmë ndonjë humbje pse ai nuk vjen. U ftua në formatin siç është i parashikuar për këto takime dhe unë pajtohem me qendrimin e tij që ai të mos vijë”, thotë në reagimin e tij Millorad Dodik.
Ndërkohë ministri i Jashtëm i Kosovës, Behgjet Pacolli, thotë, se Kosova i shteroi të gjitha mundësitë për ta zgjidhur çështjen dhe të ftohet e barabartë sikurse shtetet tjera në Samitin e Sarajevës, por përpjekjet nuk rezultuan me sukses.
“Qëndrimi i palëkundur i institucioneve të Republikës së Kosovës është që me kushtet ekzistuese neve na është pamundësuar përfaqësimi në Samit. Mënyra se si është menduar të trajtohet delegacioni shtetëror i Kosovës është e papranueshme. Për më tepër, ajo i vë hije të keqe edhe Samitit të posapërfunduar të Poznanit në kuadër të Procesit të Berlinit, deklaratave dhe zotimeve të përbashkëta që i kemi bërë aty”, shkroi Pacolli.
E në anën tjetër ministri i Jashtëm i Bosnjes e Hercegovinës, Igor Crnadak, thotë se mosardhja e përfaqësuesve të Kosovës është një goditje ndaj bashkëpunimit rajonal.
“Kujtoj se nga nëntori ne jemi subjekt i sanksioneve nga Prishtina. Përkundër kësaj, kemi dërguar ftesë, kemi shprehur gatishmëri për të qenë nikoqirë të mirë, duke respektuar rregullin numër një, që edhe nëse nuk pajtohemi për diçka, duhet të jemi në tavolinë dhe të kërkojmë zgjidhje. Prishtina mendon ndryshe. Goditje e rëndë për bashkëpunimin në rajon”, deklaroi shefi i diplomacisë boshnjake Igor Crnadak.
Kosova dhe Bosnja e Hercegovia nuk kanë të vendosura raporte ndërshtetërore për shkak se Bosnja nuk e njeh pavarësinë e Kosovës, sepse, këtë e refuzon Republika Srpska që është pjesë e Federatës. Përkeqësimit të raporteve Kosovë-Bosnje e Hercegovinë iu shtua edhe fakti, që nëntorin e vitit të shkuar qeveria e Kosovës krahas produkteve të Serbisë vendosi taksë edhe për produktet e Bosnjes e Hercegovinës. Kjo për asyren se Bosnja nuk e njeh pavarësinë e Kosovës dhe mallrat e Kosovës e kanë shumë të vështirë të depërtojnë në tregun e këtij vendi./DW/
Lufta Prigozhin - Putin
Më shumëNga Rubrika
Regjistrohet edhe kryeministri Kurti: Ishte proces i thjeshtë dhe i shpejtë
“Kushtëzimi” i anëtarësimit të Kosovës në KiE, Musliu-Shoshi: Ndërkombëtarët nuk po kërkojnë asgjë çka nuk është dakorduar Kurti në marrëveshjen e Ohrit
Kovaçevski për keqpërdorimet në Agjencinë për Rini dhe Sport: Prokuroria duhet të punojë sipas ligjeve
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Ju kemi njohur para lufte...ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Siljanovska: Nuk do t'i largojë tabelat Maqedonia e Veriut, dhe do ta përdor vetëm Maqedonia
Murati i përgjigjet opozitës: Në raportin e DASH-it ka përgjysmim të korrupsionit me këtë Qeveri
Britania e Madhe kërkon t’i kushtohet më shumë vëmendje rreziqeve të konfliktit në Ballkan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit