Historia e hidhur e Barcelonës me klientët e agjentit kontrovers Mino Raiola – dështime të njëpasnjëshme

Barcelona nuk ka pasur shumë fat gjatë viteve të fundit kur kanë pasur të bëjnë me klientët e agjentit kontrovers, Mino Raiola.

Rasti i fundit i katalunasve me agjentin Raiola i ka parë ata të mos sjellin Matthijs de Ligt në Camp Nou, me mbrojtësin që duket se është vendosur për një lëvizje në Juventus.

Lexo po ashtu Barcelona largohet nga gara për të nënshkruar me De Ligt

Disa nga lojtarët e Raiolës që kanë pasur probleme me Barcelonën në të kaluarën janë Zlatan Ibrahimovic, Paul Pogba dhe Marco Verrati.

Gazeta Marca ka përpiluar këtë listë, ndërsa Telegrafi ua sjell më poshtë:

Zlatan Ibrahimovic

Sulmuesi suedez nuk i ka pëlqyer metodat e Pep Guardiolas dhe i tha trajnerit katalunas të zgjedhë mes tij dhe Lionel Messit.

Pas një grindje të hidhur, Ibrahimovici shkoi tek italianët e Milanit pas një kohe të shkurtër në Spanjë.

Paul Pogba

Barcelona ishte seriozisht e interesuar që ta merre francezin në Camp Nou, por nuk mund të paguante për të.

Raiola përfundoi duke quar Pogban tek Manchester Unitedi, të cilët ishin të gatshëm t’i paguajnë atij shumë më tepër se Barcelona.

Marco Verratti

Ndjekja e Barcelonës për Verrattin e pa Paris Saint-Germainin të urdhëronte italianin të ndryshonte agjentët.

Raiola zëvendësoi Donato di Campli dhe shpresat e Barcelonës për nënshkrimin e mesfushorit përfunduan pothuajse aty.

/Telegrafi/