Ronaldo arrin shifrën e 400 golave në pesë ligat kryesore evropiane, bëhet lojtari i parë me këtë rekord  

Cristiano Ronaldo vazhdon të koleksionojë rekord pas rekordi në futbollin evropian.

Sulmuesi portugez është njëri nga golashënuesit më të mëdhenj në histori të futbollit dhe këtë e ka dëshmuar tash e disa vite.

Golat e shumtë të shënuara me skuadrat e tij kanë bërë që Ronaldo të arrijë shumë rekorde botërore.

Cristiano Ronaldo becomes the first player to score 400 goals in Europe’s top five leagues pic.twitter.com/N7QxMKbJhC

— B/R Football (@brfootball) October 20, 2018

Një i tillë është edhe ky i sotmi (e shtunë), të cilin e ka arritur portugezi me golin e shënuar në Serie A ndaj Genoas.

Me këtë gol, Ronaldo ka arritur në shifrën e 400 golave në pesë ligat kryesore evropiane duke u bërë i pari lojtar që arrin këtë rekord.

Ylli portugez në kohën e kaluar te Manchester Unitedi ka shënuar plot 84 herë në Ligën Premier.

Diferenca e golave të Ronaldos u bë te Real Madridi, pasi nga 292 ndeshje në La Liga, portugezi tundi rrjetën plot 311 herë.

Në anën tjetër me fanellën e Juventusit deri më tani ka shënuar pesë gola në Serie A.

Lojtari i vetëm që e ndjek portugezin është rivali i tij i përjetshëm Lionel Messi, i cili ka shënuar 389 gola me Barcelonën në La Liga. /Telegrafi/

400 – Cristiano #Ronaldo is the first ever player to score 400 goals in the top five European leagues. Monument. #JuveGenoa

— OptaPaolo (@OptaPaolo) October 20, 2018