Spasovski: Nuk mund të udhëheqim hetime nëpërmjet mediave për ndërhyrjen e biznesmenëve pro rus

Unë nuk dua të drejtoj një hetim përmes mediave, thotë ministri i brendshëm, Oliver Spasovski duke u përgjigjur në pyetjen e gazetarëve nëse Ministria e Punëve të Brendshme a ka njohuri dhe a do të nisë një hetim në lidhje me deklaratën e kryeministrit Zaev, se biznesmenët pro-rusë nga Greqia paguanin për dhunën në prag të referendumit, përcjell Telegrafi Maqedoni.

“Çfarëdo informacioni që do të kishim pasur që ka të bëj në lidhje me çështje të ndjeshme, ne as nuk do të jemi në gjendje, as nuk mundemi, as nuk kemi nevojë ta udhëheqim atë përmes mediave dhe të kryejmë hetim përmes mediave. Duhet të dini se në çdo moment kur kemi ndonjë gjë për të thënë, e cila është në fazën e një mundësie për t’u njoftuar, ne do ta bëjmë këtë”, tha Spasovski.

Lexo po ashtu Zaev: Biznesmenë grek “pro rus” kanë penguar anëtarësimin e Maqedonisë në NATO

I pyetur nëse Ministria e Brendshme ka gjetur sulmuesin e tretë të Sazdovskit i cili është rrahur deri në vdekje dhe nëse u është gjetur automjeti “Mercedes” nga i cili doli sulmuesi, ministri Spasovski vuri në dukje se automjeti dhe identiteti i dy sulmuesve u përcaktuan të njëjtën ditë.

Për sulmuesin e tretë tashmë kemi njohuri konkrete dhe presim që shumë shpejt ajo të ndodhë, tha Spasovski dhe sqaroi se kur ata kanë mundësinë ta sigurojnë atë, ata do të japin dhe do të informojnë për të. /Telegrafi/