Milani planifikon oferta për Benzeman, Dzekon dhe Belottin

Milani ka etiketuar dy sulmuesit e njohur, Karim Benzema dhe Edin Dzeko si përforcime ideale për sezonin e ri.

Rossonerët janë drejt fundit të edhe një sezoni të dështuar në Serie A dhe Ligë të Evropës.

Kështu, drejtuesit e klubit edhe përkundër shpenzimeve të mëdha në verën e 2017, nuk e kanë ndërmend të ndalen.

Lexo po ashtu Vialli këshillon Milanin: Shiteni Silvan dhe Kalinicin, blijeni Belottin  

Edhe vera e këtij viti pritet të jetë e nxehtë për skuadrën nga San Siro, e cila kërkon përforcime të reja për të pasur një skuadër edhe më konkurruese.

Sipas mediumit italian Calciomercato, Milani ka plane ambicioze për të bërë oferta për lojtar të kalibrit të lartë në sulm.

Benzema i Real Madridit, Dzeko i Romës dhe Andrea Belotti i Torinos janë lojtarët që pëlqehen shumë dhe pritet të bëhen oferta në drejtim të tyre.

Lexo po ashtu Milani i rikthehet garës për Belottin

Klubi ka shënjestruar përforcimin e sulmit me një lojtar të ri dhe këta sulmues janë kryesorët në listën e dëshirave.

Por, Milani fillimisht duhet të shes futbollistë për të rregulluar buxhetin, me Nikola Kalinic, Carlos Bacca, M’Baye Niang, Luca Antonelli, Ignazio Abate dhe Gustavo Gomez që i kanë dyert e hapura dhe pritet të largohen në verë. /Telegrafi/