Maldini: Alisson portieri më i mirë aktualisht në Serie A

Xhiro e 32-të ka rezervuar një përballje mjaft interesante në Serie A, atë mes Lazios dhe Romës.

Derbi mes këtyre skuadrave është një nga më të zjarrtit lokal në botën e futbollit dhe komentet për këtë përballje nuk kanë munguar as nga legjenda e Milanit, Paolo Maldini.

“Lazio ka një sulm të madh. Por, ka lojtarë që aktualisht janë në formë të mirë, mbi të gjitha Dzeko e Under, të cilët ishin befasi e këndshme në ndeshjen e kthimit (ndaj Barcelonës)”.

“Tani po flasim për një derbi që është shumë i rëndësishëm pasi të dy skuadrat po përpiqen për një vend që dërgon në Ligën e Kampionëve”.

“Krahasimet mes Immobiles dhe Alisson? Nuk mendoj se do të jetë një ditë e keqe për Alissonin, sipas meje, ai është portieri më i mirë në kampionatin italian”.

“Edhe Immobile është një nga sulmuesit më të mirë, do të jetë një sfidë interesante”, ka thënë Maldini raporton LalazioSiamoNoi.it.

Vlen të theksohet se Roma është kualifikuar në gjysmëfinale të Ligës së Kampionëve duke eliminuar Barcelonën, kurse Lazio është befasuar në çerekfinale të Ligës së Evropës nga RB Salzburgu. /Telegrafi/