Në vitin 1994, Trent Reznor me grupin e tij Nine Inch Nails incizon albumin “The Downward Spiral”, që flet për natyrën shkatërruese të njeriut. Kënga “Hurt” e përshkruan më së miri dhembjen e shkaktuar nga tjetri, shpeshherë edhe nga vetja; gjendjen depresive të individit; krizën e tij… Mund të jetë lufta e tij për të gjetur kuptimin e ri për jetë, por edhe një letër e lamtumirës!
Në vitin 2000, Reznor – një prej njerëzve më revolucionar në muzikën rok – e takon frymëzuesin e tij, Roger Waters. Në një intervistë të përbashkët me të, ai tregon se si koncepti i Watersit me albumin “The Wall” (me grupin Pink Floyd) ia ka ndryshuar jetën; se ishte pikënisje e re në jetën e tij. Në diçka të tillë të sinqertë, ai e kishte parë veten. Ndaj, dhembjen e tij jetësore, te fëmijërisë dhe të famës që degradon shpirtin e njeriut, të sistemit që tjetërson individin, është munduar ta pasqyrojë – si Watersi dikur – në albumin konceptual “The Downward Spiral”.
Në vitin 2002, këtë këngë e interpreton legjenda e muzikës amerikane, Johnny Cash (1932-2003). Në fakt, kur e dëgjon këtë version, të bën të thuash se kënga “Hurt” është bërë tamam për jetën e trazuar të Cashit. Kjo shihet edhe në spotin aq të thjeshtë e domethënës. Sepse, në të flet njeriu, fytyra e artistit jokonformist! E, teksti mund të thuhet se është shkruar edhe për njeriun e rëndomtë që përjeton veç dhembje në luftën e përditshme për të mbetur gjallë si njeri.
***
I LËNDUEM
Nga: Trent Reznor (kënga “Hurt” nga albumi “The Downward Spiral” i grupi Nine Inch Nails, 1994)
Përktheu: Agron Shala
sot veten e kam lëndue
qí me kuptue a jam hala kah ndiej
te dhimta menjen e kam vnue
e vetmja gjâ e përnjimendshme
gjilpana birën e ka shpue
nji pickim i njohtun për mue
po provoj krejt me i harrue
ama gjithçka jam tuj kujtue
n’çka k’shtu jam shëndrrue?
miku jem ma i miri
tan’ ata qì i njoh
n’fund kanë me m’lanë
ke mujt krejt me i pasë
mretninë tême t’flliqtë
kam me t’zhgënjye
kam me t’lëndue
n’kry vnuet kunorën e mutit
përmi fronit têm t’rrencit
i mushun me mendime t’thyeme
qì s’muj me i ndreqë
përfuni njollave t’kohës
ndjenjat po zhduken
dikush tjetër je ti
e unë hala jam këtu
n’çka k’shtu jam shëndrrue?
miku jem ma i miri
tan’ ata qì i njoh
n’fund kanë me m’lanë
ke mujt krejt me i pasë
mretninë tême t’flliqtë
kam me t’zhgënjye
kam me t’lëndue
me pas mujt me ia nis prej fillimit
miliona milje larg prej këtuhit
veten e kisha frenue
një rrugëdalje e kisha zbulue
/Telegrafi/
Promo
Reklamo këtuLufta Prigozhin - Putin
Më shumëHistoria e marigonave të Kosovës: Qëndisën flamuj edhe kur ishte e ndaluar
“La Croix” (1930): “Lahuta e Malcis”, poema që rrëfen epopenë shqiptare
Romët
LIQENI
Kruja dhe tradita e punimit të kostumeve popullore
Stili muzikor i qyteteve te Shqiperisë së mesme dhe të Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City