Josa: Nuk funksionuam mirë

Prishtina nuk ka arritur më shumë se një barazim pa gola 0-0 në përballje me Feronikelin.

Në pjesën e parë ishin mysafirët të cilët kishin iniciativën dhe raste të mira shënimi, ndërsa në të dytën vendasit.

Trajneri i Prishtinës, Mirel Josa ka folur pas ndeshjes duke thënë se të dyja skuadrat kishin fushën e njëjtë.

“Të dyja skuadrat kishin kushte të njëjta për futboll, I ftohti është për fusha të lëngëta për t’u luajtur futboll”.

“Jam i kënaqur me pjesën e parë si në mbrojtje dhe në sulm. Duhej t’i shënonim gol Feronikelit në pjesën e parë, kurse në të dytën na mbajti Feronikeli më shumë në presion”, ka deklaruar Josa.

“Nuk funksionuam mirë në krahun e majtë, bashkëpunimi Makenda dhe Bashiru nuk funksionuan dhe këtu Feronikeli na hasi shumë probleme”.

“Sidoqoftë, jam i kënaqur me lojën që po luajmë, mendoj se Ahmed Januzi duhet të mbështetet më shumë nga lojtarët”, përfundoi ish-trajneri i Skënderbeut Mirel Josa.

Pas 18 javëve në elitën e futbollit kosovar, Prishtina zë pozitën e dytë në tabelë me 32 pikë të tubuara. /Telegrafi/