Filmat më provokues që janë kritikuar për përmbajtje të tepruar erotike (Foto/Video)

Skenat seksuale thuajse janë të rregullta nëpër filma, mirëpo ekzistojnë disa filma që kanë përmbajtje të tepruar erotike, apo filma që e kanë për bazë eksplorimin e marrëdhënies seksuale ndërmjet protagonistëve.

Skenat e tilla shpesh marrin kritika, por përkundër kësaj, shikueshmëria e këtyre filmave është shumë e madhe dhe ata arrijnë sukses në shitjen e biletave nëpër kinematë botërore.

Telegrafi jua sjell më poshtë disa prej filmave që konsiderohen si projekte me përmbajtje seksualisht provokuese të tepruar.

Last Tango in Paris (1972)

Filmi francezo-italian me Marlon Brandon dhe Maria Schneiderin në rolet kryesore, përqendrohet te një çift që krijon një lidhje anonime seksuale në një banesë në Paris. Vënia në pah e dhunës seksuale (dhe përdorimi i gjalpit si lubrifikues), nxiti kundërthënie të shumta.

Risky Business (1983)

Tom Cruise kryen marrëdhënie seksuale me një prostitutë në një tren të braktisur në Chicago. Rebecca De Mornay është aktorja që luan rolin e femrës protagoniste në këtë film.

9½ Weeks (1986)

Filmi me Mickey Rourke dhe Kim Basinger në rolet kryesore, është përplot skena eksplicite. Disa nga skenat shoqërohen me fjalë ofenduese, por edhe me përdorim të dhunës.

Henry & June (1990)

Henry & June ka qenë filmi i parë që është vlerësuar me NC-17 nga MPAA (që së fundmi është zëvendësuar me vlerësimin X). Filmi është bazuar në jetën seksuale ndërmjet Anais Nin, autorit të famshëm, Henry Miller dhe gruas së tij, June Miller. Rolet kryesore në këtë film i luajnë Fred Ward, Maria de Medeiros dhe Uma Thurman.

https://www.youtube.com/watch?v=78FMYn-96oE

Basic Instinct (1992)

Skena e kryqëzimit të këmbëve nga Sharon Stone ka hyrë në histori të kinematografisë, si një prej xhirimeve më provokuese që janë bërë ndonjëherë. Edhe protagonisti kryesor, Michael Douglas, është i përfshirë në skena seksuale tejet eksplicite.

Boogie Nights (1997)

Mark Wahlberg luan rolin e një ylli pornografik në filmin me përmbajtje erotike. Julianne Moore, Burt Reynolds, Don Cheadle, John C. Reilly, William H. Macy, Philip Seymour Hoffman dhe Heather Graham, janë yjet tjera që luajnë në këtë film.

Eyes Wide Shut (1999)

Filmi i Stanley Kubrick, me Nicole Kidman dhe Tom Cruise në rolet kryesore, përmban shumë skena seksuale (reale dhe fantazi), si dhe një orgji, duke bërë që filmi të përfshihej në projektet me përmbajtje erotike.

Y Tu Mama Tambien (2001)

Gjatë një udhëtimi, dy të rinj spontanisht vendosin të përfshihen në një marrëdhënie seksuale me një femër më të madhe në moshë gjatë një u

Secretary (2002)

Edhe filmi “Secretary”, po ashtu shqyrton kufijtë ndërmjet kënaqësisë dhe dhimbjes. Pas një gabimi të karakterit të Maggie Gyllenhaal, ajo shijon një shuplakë në të pasme nga protagonisti që e luan James Spader. Nga ky moment nis raporti sado-mazohist mes tyre.

Black Swan (2010)

Natalie Portman fitoi çmimin Oscar për rolin e saj në “Black Swan”, mirëpo bujë më të madhe bëri skena halucinative ndërmjet saj dhe Mila Kunisit, dhe një sekuencë masturbimi.

https://www.youtube.com/watch?v=gtUqq8_bYys

Nymphomaniac (2013)

Filmi me dy pjesë i Lars von Trier është publikuar në dy formate: versionin origjinal me skena të rënda dhe versioni më i butë. Derisa disa e kanë konsideruar si një film pornografik, të tjerët e kanë vlerësuar për eksplorimin e seksualitetit femëror.  Charlotte Gainsbourg luan rolin kryesor në këtë film.

Blue Is the Warmest Color (2013)

Filmi romantik francez fillimisht bëri bujë në Festivalin e Filmit në Kanë dhe pastaj nëpër kinema, për shkak të skenave eksplicite lesbike ndërmjet dy femrave të reja.

Gone Girl (2014)

Vetëm disa muaj para se të dilte “Fifty Shades of Grey”, “Gone Girl” e shokoi publikun me një skenë brutale dhe të përgjakshme seksuale. Ben Affleck, Rosamund Pike dhe Neil Patrick Harris, janë protagonistët kryesore të këtij filmi.

https://www.youtube.com/watch?v=6YS2NADEqw8

Fifty Shades of Grey (2015)

Publiku ishte kurioz të dinte se si është ekranizuar libri me të njëjtin emër. Filmi me përmbajtje erotike rezultoi jashtëzakonisht i suksesshëm në ‘box-office’. Tashmë është lansuar edhe “Fifty Shades Darker” (2017), kurse në vitin e ardhshëm do të vijë “Fifty Shades Freed”. Dakota Johnson dhe Jamie Dornan, janë dy protagonistët kryesor të filmit, ndërsa në të është paraqitur edhe këngëtarja e famshme shqiptare, Rita Ora. /Telegrafi/